#អ៊ី​រ៉ា​ក់​

ក្រុមហ៊ុនប្រេងដ៏ធំមួយរបស់បារាំង គឺ តូតាល់ បានចុះហត្ថលេខាជាមួយនឹងរដ្ឋាភិបាលប្រទេសអ៊ីរ៉ាក់ លើកិច្ចព្រមព្រៀងមួយដែលមានតម្លៃទឹកប្រាក់ដល់ទៅ២៧ពាន់លានដុល្លារអាមេរិក ដើម្បីអភិវឌ្ឍវិស័យប្រេង និងឧស្ម័ននៅក្នុងប្រទេសសម្បូរធនធានប្រេងមួយនេះ ឲ្យមានទិន្នផលប្រេងកាន់តែប្រសើរឡើង។ កិច្ចព្រមព្រៀងដ៏ធំមួយនេះ ក៏មានការចូលរួមវត្តមានជាសាក្សី ពីនាយករដ្ឋមន្ត្រីប្រទេសអ៊ីរ៉ាក់ផងដែរ។ភាគីទាំងពីរ ក៏បានចុះហត្ថលេខាលើគម្រោងសាងសង់រោងចក្រអគ្គិសនីដើរដោយថាមពលបន្ទះសូឡាទំហំ១ពាន់មេហ្គាវ៉ាត់ផងដែរ។