ការនាំចេញម្រេចនៅតែសម្រេចបានកំណើនខ្ពស់ក្នុងអត្រា៣ខ្ទង់ និងតម្លៃទីផ្សារថេរ នៅ២ខែដំបូងឆ្នាំ២០២២
ដោយ
កម្ពុជាបាននាំចេញកសិផលសរុបជាង១លាន៣សែនតោន ទៅកាន់ទីផ្សារអន្តរជាតិ មានកំណើនតិចតួចប៉ុណ្ណោះធៀបនឹងរយៈពេលដូចគ្នាកាលពីឆ្នាំមុន។នេះបើតាមរបាយការណ៍ពីក្រសួងកសិកម្ម។ នៅ ២ខែដំបូងឆ្នាំនេះ ក្នុងចំណោម កសិផលជាច្រើនមុខដែលកម្ពុជាបាននាំចេញ គឺមានស្វាយ និងចេកអំបូងលឿងជាដើម សុទ្ធតែមានការនាំចេញថយចុះ ប៉ុន្ដែមានតែការនាំចេញម្រេចប៉ុណ្ណោះ ដែលនៅរក្សាបានកំណើនខ្ពស់ជាងគេ មាន ជាង ៩០០តោន កើនឡើងជិត ៤០០ភាគរយ ឯណោះ បើប្រៀបនឹងរយៈពេលដូចគ្នាកាលពីឆ្នាំ២០២១។