ថៃកំពុងខ្នះខ្នែង បង្កើនការឧបត្ថម្ភធន ដើម្បីបន្ទាបតម្លៃប្រេងឥន្ធនៈ ដែលកំពុងកើនខ្ពស់
ដោយ
លេខាធិការអចិន្ត្រៃយ៍ទទួលបន្ទុកថាមពលរបស់ថៃ លោក កូលីត សម្បត្ដិសីរី (Kulit Sombatsiri) បាននិយាយកាលពីថ្ងៃអង្គារថា ក្រសួងថាមពលថៃនឹងកំណត់តម្លៃលក់រាយប្រេងមាស៊ូតមិនឱ្យលើសពី ៣៥ បាត ឬ ប្រមាណ ៤ ០០០ រៀល ក្នុងមួយលីត្រនោះទេ រហូតដល់ចុងខែនេះ ខណៈពេលដែលកំពុងរង់ចាំវិធានការអនុម័តឧបត្ថម្ភធនតម្លៃថាមពលថ្មី ដើម្បីបន្តសម្របសម្រួលតម្លៃប្រេងឥន្ធនៈកុំឲ្យឡើងថ្លៃខ្ពស់បន្ថែមទៀត។ នេះបើតាមការចុះផ្សាយសារព័ត៌មាន Bangkok Post។