#តម្លៃដែកឡើងថ្លៃ

ក្រុមម្ចាស់ដេប៉ូលក់ដែក និងក្រុមហ៊ុនម៉ៅការសាងសង់បានគូសបញ្ជាក់ថា បច្ចុប្បន្នតម្លៃដែកបានហក់ឡើងថ្លៃបន្ថែម ១០០ដុល្លារអាមេរិកក្នុង១តោន នាំឲ្យដែកថ្នាំអំពៅធ្លាប់តែលក់ត្រឹមតែ១តោនជាង៧០០ដុល្លារ ឥឡូវឡើងដល់ប្រមាណជិត៨០០ដុល្លារហើយ។ បញ្ហាដែកឡើងថ្លៃនេះ ត្រូវបានក្រុមអ្នកលក់ និងម៉ៅការសាងសង់កត់សម្គាល់ឃើញថា គឺបន្ទាប់ពីមានព្រឹត្តិការណ៍ផ្ទុះសង្គ្រាមរវាងរុស្ស៊ី និងអ៊ុយក្រែន ដែលជំរុញឲ្យតម្លៃឧស្ម័ន និងប្រេងឥន្ធនៈដែលបម្រើឲ្យវិស័យផលិត និងដឹកជញ្ជូនមានការឡើងថ្លៃយ៉ាងគំហុកដូចគ្នាដែរ។