ពលរដ្ឋអាមេរិកនឹងចាប់ផ្ដើមចាក់វ៉ាក់សាំងកូវីដ-១៩ដូសទី៣ ចាប់ពីខែកញ្ញាតទៅ
ដោយ
នៅទីបំផុតអាមេរិកសម្រេចឲ្យពលរដ្ឋខ្លួនចាក់វ៉ាក់សាំងបង្ការកូវីដ១៩ដូសទី៣ទាំងអស់គ្នាចាប់ពីខែកញ្ញាតទៅ ! នៅចំពោះមុខភាពមិនប្រាកដប្រជានៃការរីករាលដាលកូវីដ១៩ បំប្លែងខ្លួនថ្មី ឌែលតា បូករួមនឹងការថយចុះប្រសិទ្ធភាពការពាររបស់វ៉ាក់សាំងទៅតាមពេលវេលាផងដែរនោះ សហរដ្ឋអាមេរិកនឹងចាប់ផ្តើមចាក់វ៉ាក់សាំងបង្ការកូវីដ១៩ដូសជំរុញ ឬដូសទី៣ ចាប់ពីថ្ងៃទី២០ខែកញ្ញាខាងមុខនេះតទៅហើយ ខណៈដែលបច្ចុប្បន្នអាមេរិកកំពុងប្រឈមមុខកាន់តែខ្លាំងនឹងការឆ្លងរាលដាលមេរោគបំប្លែងថ្មីឌែលតា។ នេះបើតាមការចុះផ្សាយពីទីភ្នាក់ងារសារព័ត៌មាន រ៉យទ័រ។