ចក្រភពអង់គ្លេសក៏នឹងបោះពុម្ពផ្សាយបច្ចុប្បន្នភាពចំពោះគោលនយោបាយសន្តិសុខ ការពារជាតិ និងកិច្ចការបរទេសរបស់ខ្លួនផងដែរនៅថ្ងៃចន្ទ ទី ១៣ មីនានេះ ដោយកំណត់ពីរបៀបដែលខ្លួននឹងឆ្លើយតបទៅនឹងពិភពលោក ដែលមានការគំរាមកំហែងកាន់តែខ្លាំងឡើងជាពិសេសពីសំណាក់ប្រទេសចិន។
លោក Sunak បានសរសើរពីសម្ព័ន្ធភាព AUKUS កាលពីថ្ងៃសៅរ៍ ហើយបាននិយាយថា ភាពជាដៃគូបែបនេះ គឺជាគំរូដ៏ល្អនៃវិធីសាស្រ្តរបស់ចក្រភពអង់គ្លេស។ លោកបានបន្ថែមថា នៅក្នុងគ្រាដ៏ចលាចល នៃសម្ព័ន្ធភាពជាសកលរបស់ចក្រភពអង់គ្លេស កិច្ចព្រមព្រៀងសន្តិសុខត្រីភាគី AUKUS នេះគឺជាប្រភពនៃកម្លាំង និងសន្តិសុខដ៏អស្ចារ្យបំផុតរបស់ចក្រភពអង់គ្លេស។
អត្ថបទគួរអាន
នាយករដ្ឋមន្ត្រីចក្រភពអង់គ្លេសរូបនេះបានសង្កត់ធ្ងន់ថា៖ «ខ្ញុំកំពុងធ្វើដំណើរទៅសហរដ្ឋអាមេរិកដើម្បីចាប់ផ្តើមដំណាក់កាលថ្មីនៃកម្មវិធីនាវាមុជទឹកនុយក្លេអ៊ែរក្រោមកិច្ចបព្រមព្រៀង AUKUS ដែលជាគម្រោងក្នុងការចងនូវសម្ព័ន្ធមិត្តជិតស្និតបំផុតរបស់យើងដូចជាសហរដ្ឋអាមេរិក និងអូស្ត្រាលីដើម្បីផ្តល់ឱ្យគ្នាទៅវិញទៅមកនូវសុវត្ថិភាព បច្ចេកវិទ្យាថ្មីៗ និងអត្ថប្រយោជន៍សេដ្ឋកិច្ច»។
មែនទែនទៅ ក្រោមកិច្ចព្រមព្រៀង AUKUS ដែលបានប្រកាសនៅឆ្នាំ២០២១ សហរដ្ឋអាមេរិក និងអង់គ្លេសបានព្រមព្រៀងគ្នាក្នុងការផ្តល់ឱ្យអូស្ត្រាលីនូវបច្ចេកវិទ្យា និងសមត្ថភាពសម្រាប់នាវាមុជទឹកដើរដោយថាមពលនុយក្លេអ៊ែរ។ ហើយវាក៏ជាជាផ្នែកមួយនៃកិច្ចខិតខំប្រឹងប្រែងដើម្បីទប់ទល់នឹងការរីកលូតលាស់នៃកម្លាំងយោធារបស់ចិននៅក្នុងតំបន់ឥណ្ឌូប៉ាស៊ីហ្វិកផងដែរ។ ក្នុងនោះ កិច្ចប្រជុំនៅទីក្រុង San Diego នៅថ្ងៃចន្ទនេះ ត្រូវបានគេរំពឹងថានឹងមានការសម្រេចចិត្តលើជំហានបន្ទាប់សម្រាប់ប្រទេសអូស្ត្រាលីក្នុងការទទួលបាននាវាមុជទឹកដើរដោយថាមពលនុយក្លេអ៊ែរទំនើបៗនៃប្រទេសទាំងពីរ។
