យោងតាមការចុះផ្សាយរបស់សារព័ត៌មាន ស្តេធីស្តារ (Statista)បានឱ្យដឹងថា ល្បឿនផ្ទេរទិន្នន័យទាំងនេះ គឺស្មើនឹងការផ្ទេរភាពយន្តកម្រិត HD ចំនួន៥រឿង ដោយឥតខ្សែក្នុងមួយវិនាទី ពោលគឺលឿនជាងរហូតដល់ទៅ៥០០ដងឯណោះ បើធៀបនឹងល្បឿនជាមធ្យមនៃប្រព័ន្ធអ៊ីនធឺណិត 5G ក្នុងសហរដ្ឋអាម៉េរិក។
លទ្ធផលនៃការធ្វើតេស្តថ្មីដែលត្រូវបានប្រកាសកាលពីថ្ងៃទី១១ ខែមេសា កន្លងទៅតាមរយៈសេចក្តីថ្លែងការណ៍រួមបង្ហាញថា ប្រព័ន្ធអ៊ីនធឺណិតឥតខ្សែល្បឿនលឿន 6G របស់សម្ព័ន្ធក្រុមហ៊ុនខាងលើនេះ បានបញ្ជូនទិន្នន័យក្នុងល្បឿនយ៉ាងលឿនរហូតដល់ទៅ១០០ជីហ្គាបៃ ក្នុងមួយវិនាទី (Gbps)។ នេះចាត់ទុកថា ជាដំណឹងដ៏គួរឱ្យរីករាយមួយ ព្រោះពិភពលោករួមទាំងកម្ពុជាផង អាចនឹងមានបច្ចេកវិទ្យាអ៊ីនធឺណិតល្បឿនលឿន 6G ប្រើប្រាស់នៅពេលអនាគតដ៏ខ្លី៕
ដោយ: តែម សុខុម
