ដោយ
ខន ណារី
សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានចាត់ទុកវត្តមានរបស់សម្តេចទៅកាន់ទ្វីបអឺរ៉ុបយៈពេល៦ថ្ងៃ ជាពិសេសក្នុងវេទិកាសេដ្ឋកិច្ចពិភពលោក គឺជាពេលដែលសម្ដេចត្រូវដើរគោះទ្វារអ្នកធុរកិច្ច ដើម្បីឲ្យមកវិនិយោគនៅកម្ពុជា។ ប្រមុខរាជរដ្ឋាភិបាលកម្ពុជាបានអះអាងថា រាល់ពេលសម្ដេចធ្វើដំណើរទស្សនកិច្ចផ្លូវការទៅកាន់បណ្ដាប្រទេសផ្សេងៗ សម្ដេចតែងតែដើរគោះទ្វារអ្នកធុរកិច្ចនៅទីនោះ ក្នុងគោលបំណងបង្កើនទំនាក់ទំនង ជំរុញឱកាសវិនិយោគ-ពាណិជ្ជកម្ម និងបង្កើតការងារសម្រាប់ប្រជាពលរដ្ឋកម្ពុជា។