#កំណើនសេដ្ឋកិច្ចសាកល

នាយិកាគ្រប់គ្រងមូលនិធិរូបិយវត្ថុអន្តរជាតិ (IMF) គឺលោកស្រី គី្រស្ទីលីណា ចចជីវ៉ា (Kristalina Georgieva) បាននិយាយពីថ្ងៃព្រហស្បតិ៍ថា កំណើនសេដ្ឋកិច្ចពិភពលោកនឹងធ្លាក់ចុះក្រោមអត្រា ៣% នៅឆ្នាំ២០២៣ ហើយនឹងបន្តក្នុងអត្រាប្រហែល ៣% សម្រាប់ពេល ៥ ឆ្នាំខាងមុខ។ ស្ថានភាពបែបនេះនឹងបង្កើនហានិភ័យកាន់តែធំ ចំពោះសេដ្ឋកិច្ចសាកលលោក។ ទោះបីជាយ៉ាងនេះក្ដី លោកស្រីបានផ្តល់អនុសាសន៍មួយចំនួន ដើម្បីដោះស្រាយបញ្ហាកំណើនទាបបែបនេះ។ នេះបើតាមការចេញផ្សាយរបស់សារព័ត៌មានរ៉យទ័រ។