ប្រទេសថៃនឹងប្រឈមហានិភ័យផ្នែកសេដ្ឋកិច្ច ក្រោមការផ្លាស់ប្តូរទិដ្ឋភាពសេដ្ឋកិច្ចទូទាំងពិភពលោក
ព័ត៌មាន
•
ធនាគារបាងកក (BBL)ព្យាករណ៍ថា សេដ្ឋកិច្ចថៃប្រឈមមុខនឹងបញ្ហាកាន់តែច្រើនក្នុងរយៈពេលប៉ុន្មានឆ្នាំខាងមុខនេះ ក្រោមការផ្លាស់ប្តូរទិដ្ឋភាពសេដ្ឋកិច្ចទ…
ការធ្លាក់ចុះយ៉ាងខ្លាំងនៃចំនួនទេសចរចេញទៅក្រៅប្រទេសរបស់ចិនគឺបានកើតឡើង ចាប់តាំងពីការរីករាលដាលយ៉ាងឆាប់រហ័សនៃមេរោគឆ្លងនៅដើមឆ្នាំ២០២០ ដែលវាបានធ្វើឲ្យវិស័យទេសចរណ៍ក្នុងប្រទេសចិនទាំងក្នុងស្រុក និងក្រៅប្រទេសបានជាប់គាំង។ ប្រការនេះ បានបន្សល់ទុកការចំណាយប្រចាំឆ្នាំរបស់ភ្ញៀវទេសចរប្រមាណ ២៥៥ ពាន់លានដុល្លារ នៅក្នុងទីផ្សារទេសចរណ៍ពិភពលោក។
ដំណើរទេសចរណ៍ជនជាតិចិនទៅក្រៅប្រទេស ដែលត្រូវបានធ្វើឡើងនៅឆ្នាំ២០២១ មានចំនួនសរុបត្រឹមតែជាង ២៥ លាននាក់ប៉ុណ្ណោះ កើនឡើងពីចំនួន២០លាននាក់កាលពីឆ្នាំ២០២០ ហើយបើធៀបនឹងឆ្នាំ២០២០ និងឆ្នាំ២០១៩វិញ ទេសចរជនជាតិចិនចេញធ្វើដំណើរកម្សាន្ដនៅក្រៅប្រទេសបានធ្លាក់ចុះប្រមាណ ៨៧%។ នេះបើតាមការដកស្រង់របាយការណ៍ប្រចាំឆ្នាំស្តីពីទេសចរណ៍ក្រៅប្រទេសនៃក្រសួងវប្បធម៌ និងទេសចរណ៍ចិន។
អ្វីដែលគួរឲ្យកត់សម្គាល់នោះ គឺនៅមួយរយៈចុងក្រោយនេះ ប្រទេសចិនបានចាប់ផ្ដើមរឹតបន្ដឹងខ្លាំងជាថ្មីទៀត ក្រោយពេលដែលមានករណីឆ្លងកូវីដ១៩ ពិសេសមេរោគបំប្លែងថ្មីឌែលតា បានផ្ទុះរាលដាលឆ្លងនៅក្នុងតំបន់មួយចំនួននៃប្រទេសចិន ខណៈដែលរដ្ឋាភិបាលចិនក៏បានដាក់ចេញនូវគោលនយោបាយ គ្មានកូវីដ សំដៅរឹតបន្ដឹងទប់ស្កាត់មិនឲ្យមានករណីឆ្លងរីករាលដាលខ្លាំងនោះឡើយ។
រដ្ឋបាលអន្តោប្រវេសន៍ជាតិរបស់ប្រទេសចិនបាននិយាយដែរថា ប្រទេសចិននឹងនៅតែបន្តណែនាំពលរដ្ឋមិនឱ្យធ្វើដំណើរចេញទៅក្រៅប្រទេសនោះទេ ប្រសិនបើមិនសំខាន់ ឬមិនចាំបាច់។ ដូចនេះហើយ ល្បឿននៃការងើបឡើងវិញនៃវិស័យទេសចរណ៍ពិភពលោកនៅឆ្នាំ ២០២២ ហាក់នៅមានភាពស្រពិចស្រពិលនៅឡើយ ដោយសារតែប្រទេសចិនគឺជាប្រភពនៃភ្ញៀវទេសចរដ៏សំខាន់របស់ពិភពលោក៕
អត្ថបទ៖ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
