ហេតុអ្វីប្រជាពលរដ្ឋត្រូវយកចិត្តទុកដាក់រៀបចំការពារហានិភ័យហិរញ្ញវត្ថុរបស់ខ្លួន?
ព័ត៌មាន
•
អ្នកជំនាញក្នុងវិស័យធានារ៉ាប់រង លើកទឹកចិត្តដល់ប្រជាពលរដ្ឋ ឲ្យយកចិត្តទុកដាក់រៀបចំហានិភ័យហិរញ្ញវត្ថុរបស់ខ្លួន ដោយក្នុងនោះ អ្នកជំនាញសង្កត់ធ្ងន…
គិតមកទល់នឹងពេលនេះមានប្រទេសមួយចំនួនតូចប៉ុណ្ណោះ នៃសហភាពអឺរ៉ុប ដែលមានច្បាប់កំណត់ម៉ោងធ្វើការរបស់កម្មករអំឡុងពេលមានកំដៅខ្លាំង ខណៈប្រទេសជាច្រើនមិនមានការកំណត់ច្បាស់លាស់នោះទេ។
យោងតាមការស្រាវជ្រាវរបស់ទីភ្នាក់ងារ Eurofound បានឱ្យដឹងថា ២៣% នៃកម្មករទាំងអស់នៅទូទាំងសហភាពអឺរ៉ុប បានរងផលប៉ះពាល់ដោយសីតុណ្ហភាពខ្ពស់ក្នុងមួយភាគបួននៃពេលវេលាធ្វើការរបស់គេ។ តួលេខនេះ បានកើនដល់៣៦%នៅក្នុងវិស័យកសិកម្ម និងឧស្សាហកម្ម និងបានកើនដល់ ៣៨% សម្រាប់កម្មករសំណង់។ មិនតែប៉ុណ្ណោះ ការស្រាវជ្រាវបានបង្ហាញដែរថា សីតុណ្ហភាពខ្ពស់អាចជាហានិភ័យ ងាយនឹងបង្ករបួសស្នាមដល់កម្មករនៅកន្លែងធ្វើការ។
បើតាមសហជីពកម្មករអឺរ៉ុប ទោះបីប្រទេសសហភាពអឺរ៉ុប ភាគច្រើនមិនមានច្បាប់ស្តីពីសីតុណ្ហភាពអតិបរមាសម្រាប់កន្លែងធ្វើការក៏ដោយ តែគេសង្កេតឃើញប្រទេសមួយចំនួនដូចជា បែលហ្ស៊ិក ហុងគ្រី និងឡាតវី សុទ្ធតែបានដាក់ចេញវិធានការណែនាំភ្លាមៗ ដើម្បីទប់ស្កាត់គ្រោះថ្នាក់ការងារអំឡុងពេលនៃរលកកំដៅ។
ជាក់ស្តែង សម្រាប់ប្រទេសដែលមិនមានច្បាប់ហើយមិនមានវិធានការ ដូចជាប្រទេសបារាំង មានកម្មករ ១២នាក់ បានស្លាប់ដោយសាររលកកំដៅកាលពីឆ្នាំ២០២០។ នៅអេស្ប៉ាញ ជាទីដែលកម្មករ ៣នាក់បានស្លាប់ដោយកំដៅខ្លាំងកាលពីសប្តាហ៍មុនថ្មីៗនេះ បានចាត់វិធានការភ្លាមៗដែរ ប៉ុន្តែសម្រាប់មិនមែនសម្រាប់កម្មករទេ ពោលគឺសម្រាប់តែការងារវិជ្ជាជីវៈមួយចំនួនប៉ុណ្ណោះ។
សូមជម្រាបថា រលកកំដៅនៅអឺរ៉ុបកាលពីសប្តាហ៍មុន បានហក់ឡើងដល់ជាង៤០អង្សាសេ។ បច្ចុប្បន្ន ទ្វីបអឺរ៉ុបកំពុងរងការវាយប្រហារដោយកំដៅដ៏ក្តៅគគុក ដែលបានបំបែកកំណត់ត្រា ក្តៅបំផុតនៅតាមប្រទេសសមាជិក ជាបន្តបន្ទាប់។ ក្រុមអ្នកវិទ្យាសាស្ត្របាននិយាយថា ការកើនឡើងកំដៅផែនដី នឹងបន្តធ្វើឱ្យមានរលកកម្តៅកាន់តែសាហាវ នឹងកាន់តែញឹកញាប់ជាងមិន ប្រសិនបើកម្រិតនៃការបំពុល ដោយឧស្ម័នកាបូនទៅក្នុងបរិយាកាសមានកាន់តែខ្ពស់ជាងមុន៕
