លោក ហ័ង អាយុ ៦៧ឆ្នាំ ត្រូវបានគេរកឃើញថា បានរំលោភច្បាប់ស្ដីពីការគ្រប់គ្រងនិងប្រើប្រាស់ទ្រព្យសម្បត្តិរដ្ឋ ដែលនាំឲ្យខាតបង់និងខ្ជះខ្ជាយប្រាក់ ។
ក្នុងអំឡុងសវនាការជំនុំជម្រះក្ដី ៤ថ្ងៃ អតីតរដ្ឋមន្ត្រីឧស្សាហកម្មរូបនេះបានមានវត្តមាន ប៉ុន្តែ នៅថ្ងៃប្រកាសសាលក្រម លោកអវត្តមានដោយសារហេតុផលសុខភាព ។
នេះបើតាមការចុះផ្សាយរបស់សារព័ត៌មានក្នុងស្រុកវៀតណាម VN Express ។
អត្ថបទទាក់ទង
ការកាត់ក្ដីសំណុំរឿងពុករលួយនេះពាក់ព័ន្ធនឹងការគ្រប់គ្រងដីរដ្ឋមួយកន្លែងទំហំ ៦០០០ម៉ែត្រការ៉េ នៅកណ្ដាលក្រុងហូជីមិញ ។
ដីនោះត្រូវបានប៉ាន់ស្មានថាមានតម្លៃដល់ទៅរាប់រយលានដុល្លារ និងបានក្លាយជាកម្មសិទ្ធិឯកជន បន្ទាប់ពីការផ្ទេរកម្មសិទ្ធិខុសច្បាប់ជាច្រើនលើក ។
សំណុំរឿងអាស្រូវពុករលួយនេះ តុលាការក៏បានកាត់ទោសមនុស្ស ៨នាក់ផ្សេងទៀតដែរ ដោយសុទ្ធតែទោសជាប់ពន្ធនាគារ ដោយម្នាក់ៗ ចន្លោះពី ៤ ទៅដល់ ១១ឆ្នាំ ៕ (ប្រភព៖ VN Express)
