​ ខេមបូណូមីស

មន្រ្តីជាន់ខ្ពស់រាជរដ្ឋាភិបាលកម្ពុជាបានគូសបញ្ជាក់ថា គម្រោងព្រែកជីកហ្វូណន តេជោ គឺជាគម្រោងសម្រាប់បម្រើផលប្រយោជន៍ដល់ប្រជាពលរដ្ឋខ្មែរ ហើយមិនមែនជាគម្រោងខណ្ឌបែងចែកទឹកដីដូចការសង្ស័យ និងការចោទប្រកាន់ណាមួយនោះដែរ។ បើតាមមន្រ្តីជាន់ខ្ពស់រូបនេះ រាជរដ្ឋាភិបាលកម្ពុជាប្តេជ្ញានឹងធ្វើឱ្យគម្រោងនេះលេចចេញជារូបរាងឱ្យបានជាដាច់ខាត បើទោះបីជាមានប្រទេសខ្លះសម្ដែងការព្រួយបារម្ភក៏ដោយ ព្រោះការសិក្សាបានបង្ហាញយ៉ាងលម្អិតថា គម្រោងនេះពុំបានបង្កផលប៉ះពាល់ណាមួយដល់បរិស្ថាននោះទេ។