តើបញ្ហាអ្វីខ្លះនឹងក្លាយជាប្រធានបទក្តៅសម្រាប់កិច្ចប្រជុំកំពូលអាស៊ាន ដែលឡាវធ្វើជាម្ចាស់ផ្ទះនៅសប្តាហ៍នេះ?
តើបញ្ហាអ្វីខ្លះនឹងក្លាយជាប្រធានបទក្តៅសម្រាប់កិច្ចប្រជុំកំពូលអាស៊ាន ដែលឡាវធ្វើជាម្ចាស់ផ្ទះនៅសប្តាហ៍នេះ? មេដឹកនាំអាស៊ាន រូមទាំងសម្តេចធិបតី ហ…
លោក ឆៃ សុផនផានិច (Chai Sophonpanich) អនុប្រធានសមាគមក្រុមហ៊ុនធានារ៉ាប់រង AIRDC និងជាប្រធានក្រុមហ៊ុន Bangkok Insurance Plc (BKI) បាននិយាយ នៅក្នុងសន្និសីទលើកទី២៣ នៃសមាគមអ្នកធានារ៉ាប់រង និងអ្នកធានារ៉ាប់រងបន្ដនៃប្រទេសកំពុងអភិវឌ្ឍន៍ (AIRDC) ថា ប្រធានបទនៅឆ្នាំនេះ គឺស្ដីអំពីការបង្កើតឱកាស ចំពេលមានការប្រកួតប្រជែង និងភាពចលាចលដោយឆ្លុះបញ្ចាំងអំពីទិដ្ឋភាពធានារ៉ាប់រងពិភពលោកបច្ចុប្បន្នដែលកំពុងប្រឈមមុខនឹងភាពមិនប្រាកដប្រជានៃសេដ្ឋកិច្ច បម្រែបម្រួលបច្ចេកវិទ្យា ហានិភ័យអាកាសធាតុ និងការផ្លាស់ប្តូរបទប្បញ្ញត្តិ។
លោកបន្ថែមថា គ្រោះមហន្ដរាយធម្មជាតិ កាន់តែកាចសាហាវ និងកំពុងកើតមាននៅពាសពេញពិភពលោក បានបង្កឲ្យមានការខូចខាតយ៉ាងដំណំ និងពិបាកនៅក្នុងការការពារ។ ទន្ទឹមគ្នានេះ ហានិភ័យនៃសង្គ្រាម កំពុងកើនឡើង ជំរុញឲ្យក្រុមហ៊ុនធានារ៉ាប់រងត្រូវមានការប្រុងប្រយ័ត្នបន្ថែមទៀត អំពីផលប៉ះពាល់នានាដែលអាចកើតមានលើអាជីវកម្មរបស់ខ្លួន។
នៅឆ្នាំនេះ អាជីវកម្មធានារ៉ាប់រងក្នុងស្រុក របស់ប្រទេសថៃ ត្រូវបានរំពឹងថា នឹងកើនឡើងត្រឹមតែ ៣% ដោយមួយផ្នែក គឺដោយសារតែផលប៉ះពាល់នៃទឹកជំនន់ធ្ងន់ធ្ងរនៅប្រទេសថៃ ខណៈដែលផលខូចខាតដែលបណ្ដាលមកពីគ្រោះមហន្ដរាយនេះ បានធ្វើឲ្យសេដ្ឋកិច្ចថៃ ខាតបង់អស់រាប់ពាន់លានដុល្លារ។
លោក ឆៃ បាននិយាយថា កំណើនអាជីវកម្មធានារ៉ាប់រងនៅថៃ កើនឡើង តិចជាង ១០% ក្នុងពេលមួយទសវត្សរ៍មកនេះ ដោយសារមានការប្រកួតប្រជែងខ្លាំងពេក ធ្វើឱ្យពិបាកទទួលបានប្រាក់ចំណេញច្រើន។ លោកបន្ថែមថា នៅឆ្នាំ២០២៤ ក្រុមហ៊ុនធានារ៉ាប់រងជាទូទៅនឹងទទួលបានប្រាក់ចំណេញពីការ វិនិយោគតិចជាងឆ្នាំ២០២៣ ព្រោះអាជីវកម្មថៃ កំពុងរីកចម្រើនយឺតជាងមុន៕
អត្ថបទ៖ សុខ មង្គល
