បើតាមការស្ទង់មតិឱ្យដឹងថា ភាគច្រើននៃយុវជនអាមេរិកាំងនិយាយថា ច្បាប់និងគោលនយោបាយរបស់រដ្ឋាភិបាលអាមេរិក គឺមានដំណើរការអន់មែនទែន ក្នុងការតំណាងអ្វីដែលជនជាតិអាមេរិកាំងចង់បាន រាប់ចាប់ពី បញ្ហាសេដ្ឋកិច្ច និងការចំណាយរបស់រដ្ឋាភិបាល រហូតដល់គោលនយោបាយប្រើប្រាស់កាំភ្លើង ច្បាប់អន្តោប្រវេសន៍ និងគោលនយោបាយរំលូតកូនជាដើម។ ការស្ទង់មតិសរបង្ហាញឱ្យឃើញថា ៥៣%និយាយថា សភាកំពុងធ្វើការមិនបានល្អឡើយ ក្នុងការរក្សាគុណតម្លៃលទ្ធិប្រជាធិបតេយ្យ ធៀបនឹង១៦% ដែលអះអាងថា ល្អ។
ការស្ទង់មតិនោះ ក៏បានបង្ហាញអំពី ការរីករាលដាលនៃការផ្តាច់ខ្លួនផ្នែកនយោបាយ ខណៈប្រទេសបានធូរស្រាលមកវិញបន្ទាប់ជម្ងឺរាត្បាត ប៉ុន្ដែ វាបានបង្កឲ្យមានបញ្ហាអតិផរណា និងក្ដីបារម្ភអំពីវិបត្តិសេដ្ឋកិច្ចជាដើម។
អត្ថបទគួរអាន
ផ្អែកលើការស្ទង់មតិដដែលនេះ ជារួម ជិតពាក់កណ្តាល ឬឬ៤៩% នៃប្រជាជនអាមេរិកាំង និយាយថា លទ្ធិប្រជាធិបតេយ្យមិនដំណើរការល្អឡើយ នៅក្នុងសហរដ្ឋអាមេរិក បើធៀបនឹង១០%ដែលនិយាយថា វាដំណើរការល្អ ឬល្អខ្លាំង រីឯ ៤០%ទៀតថា ថា វាគ្រាន់តែល្អខ្លះៗប៉ុណ្ណោះ។ លើសពីនោះ ជាងពាក់កណ្តាលបាននិយាយដែរថា គណបក្សនីមួយៗទាំងបក្សប្រជាធិបតេយ្យ និងបក្សសាធារណរដ្ឋសុទ្ធតែធ្វើការមិនបានល្អក្នុងការប្រកាន់យកលទ្ធិប្រជាធិបតេយ្យ ដែលក្នុងនោះ ៤៧% ជាបក្សប្រជាធិបតេយ្យ និង៥៦% ជាបក្សសាធារណរដ្ឋ។
ដោយឡែក នៅក្នុងការស្ទង់មតិនោះដែរ គេសង្កេតឃើញថា វាកាន់តែបង្ហាញពីភាពអវិជ្ជមាននៅពេលនិយាយអំពីបញ្ហារស៊ើបមួយចំនួន ដែលពីរភាពបីនៃអ្នកស្ទង់មតិ យល់ឃើញថា គោលនយោបាយរដ្ឋាភិបាលលើបញ្ហាអន្តោប្រវេសន៍ ការចំណាយរបស់រដ្ឋាភិបាល គោលនយោបាយយកកូនចេញ និងគោលនយោបាយប្រើកាំភ្លើង សុទ្ធមិនបានតំណាងទស្សនៈ ឬអ្វីដែលជនជាតិអាមេរិកភាគច្រើនចង់បាន ក៏ដូចជាបញ្ហាសេដ្ឋកិច្ច អត្តសញ្ញាណយេនឌ័រ និងបញ្ហាភេទដូចគ្នាជាដើម (LGBT)៕
