ភ្ញាក់ផ្អើលក៏ដោយសារតែគេពុំធ្លាប់ឃើញមានមេទ័ពស្លាប់ក្នុងសមរភូមិច្រើន រយៈពេលត្រឹមតែប៉ុន្មានខែដូចនេះទេ។ យ៉ាងណាមិញ ភាគីខាងអាមេរិក បានបដិសេធមិនបង្ហើបពីចំនួនមេទ័ពរុស្ស៊ីដែលត្រូវបានសម្លាប់ឡើយ។ នេះបើយោងតាមប្រភពពីមន្ត្រីជាន់ខ្ពស់អាមេរិកសុំមិនបញ្ចេញឈ្មោះ ប្រាប់សារព័ត៌មាន The New York Times។
ការបញ្ជូនការណ៍សម្ងាត់ពីទីតាំងរបស់រុស្ស៊ីនេះ ជាផ្នែកមួយនៃកិច្ចខិតខំប្រឹងប្រែងមួយដោយរដ្ឋបាលលោកចូ បៃឌិន ដើម្បីផ្តល់ការគាំទ្រលើសមរភូមិជាក់ស្តែងតែម្តងក្នុងសង្គ្រាមនៅអ៊ុយក្រែន ដែលកន្លងមក អាមេរិកគ្រាន់តែបានទំនុកបម្រុងផ្នែកសព្វាវុធមួយចំនួនប៉ុណ្ណោះ។
ប្រភពពីមន្ត្រីអាមេរិកប្រាប់ New York Times ទៀតថា អាមេរិកមិនត្រឹមតែបានកំណត់ពីគោលដៅរបស់មេទ័ពរុស្ស៊ីនោះទេ ការណ៍សម្ងាត់ទាំងអស់នេះ ក៏រួមបញ្ចូលផងដែរនូវ ការចល័តទ័ពរបស់រុស្ស៊ី ទៅក្នុងសមរភូមិ ពិសេសនៅពេលដែលរុស្ស៊ីត្រៀមផែនការប្រយុទ្ធនៅក្នុងតំបន់ដុនបាស ភាគខាងកើតអ៊ុយក្រែន។
នៅពេលត្រូវបានគេសួរថាតើហេតុអ្វីកងទ័ពអ៊ុយក្រែនអាចកំណត់គោលដៅបានច្បាស់ម្ល៉េះ ទៅលើទីតាំងសំខាន់ៗរបស់រុស្ស៊ី ពិសេសទីបញ្ជាការរបស់មេទ័ព ដោយគ្រាន់តែទទួលបានព័ត៌មានពីអាមេរិក។ ចម្លើយពីមន្ត្រីអាមេរិកឲ្យដឹងថា ទ័ពអ៊ុយក្រែន មិនត្រឹមតែទទួលបានការណ៍សម្ងាត់ពីអាមេរិកតែមួយមុខនោះទេ តែពួកគេបានសិក្សាបន្ថែម ដោយបូកបញ្ចូលព័ត៌មាននៃទីតាំងភូមិសាស្ត្ររបស់ប្រទេស ជាមួយនឹងព័ត៌មាន ពីភ្នាក់ងារចារកម្មរបស់ខ្លួនឯងថែមទៀត។ បន្ថែមលើនេះ ទាហានអ៊ុយក្រែនបានលបស្តាប់វិទ្យុទាក់ទងរុស្ស៊ីដើម្បីដឹងថា មេទ័ពរបស់រុស្ស៊ីស្ថិតនៅទីតាំងមួយណា រួចទើបចាប់ផ្តើមផ្លោងកាំភ្លើងធំ និងវាយប្រហារតាមអាកាស ដើម្បីឆក់យកជីវិតពួកគេតែម្តង។ មួយវិញទៀត នៅមួយរយៈចុងក្រោយ អាមេរិកក៏បានបញ្ជូនអាវុធ ទំនើបៗឲ្យអ៊ុយក្រែន ដូចជាប្រភេទដ្រូនគ្មានមនុស្សបើក និងបញ្ជាពីចំងាយសម្រាប់លបឆ្មក់លើមេទ័ពរុស្ស៊ីផងដែរ។
អត្ថបទគួរអាន
កត្តាមួយទៀតដែលធ្វើឲ្យមេទ័ពរុស្ស៊ីស្លាប់ច្រើនដូចនេះ ក៏ដោយសារតែ យុទ្ធសាស្ត្រយោធារុស្ស៊ីមានឋានានុក្រមបញ្ជាពីថ្នាក់លើចុះមកក្រោម ហើយផ្តល់សិទ្ធិអំណាចធ្វើការសម្រេចចិត្តភាគច្រើនសម្រាប់តែមេទ័ពកម្រិតខ្ពស់បំផុតប៉ុណ្ណោះ ប្រការនេះបានបង្ខំចិត្តឲ្យឧត្តមសេនីយ៍រុស្ស៊ី ធ្វើដំណើរប្រកបដោយហានិភ័យខ្ពស់ចូលមកចាត់ចែងបញ្ជាផ្ទាល់នៅសមរភូមិមុខ ពិសេសដើម្បីដោះស្រាយបញ្ហាភស្តុភារ និងប្រតិបត្តិការនានា។
សូមជម្រាបដែរថា មែនទែនទៅក្នុងសង្គ្រាមនៅអ៊ុយក្រែននេះ មិនមែនមានតែអាមេរិកនោះទេដែលបាន ផ្តល់ការណ៍សម្ងាត់ដល់អ៊ុយក្រែន ចារកម្មសម្ព័ន្ធមិត្តណាតូផ្សេងទៀតក៏ផ្តល់ការណ៍ សម្ងាត់ជាប្រចាំ អំពីការចល័តរបស់កងទ័ពរុស្ស៊ី សព្វាវុធ ព្រមទាំងជួយអ៊ុយក្រែនបញ្ជាក់ពីទីតាំងនៃគោលដៅសំខាន់ៗទៀតផង។ នេះបើយោងតាមប្រភពពីមន្ត្រីអាមេរិកដែលបានប្រាប់សារព័ត៌មាន The New York Times.
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
