សេដ្ឋវិទូធនាគារពិភពលោក លើកឡើងពីកត្តាសំខាន់ ៤យ៉ាង ដែលអាចជួយកម្ពុជាក្លាយជាប្រទេសចំណូលមធ្យមកម្រិតខ្ពស់នៅឆ្នាំ២០៣០

ការនិយាយលើកឡើងពីគោលដៅ ​គឺងាយស្រួល ប៉ុន្ដែ ការអនុវត្ត​ដើម្បីឈានទៅសម្រេចគោលដៅ មិនមែនជារឿងងាយស្រួលនោះឡើយ។ នៅរយៈពេល​៣ឆ្នាំចុងក្រោយនេះ សេដ្ឋកិច្ច​កម្ពុជា​បានជួបនៅ​បញ្ហាប្រឈម​ជាច្រើន ដោយសារតែវិបត្តិកូវីដ១៩ និងបញ្ហាសេដ្ឋកិច្ច​សាកល ដែលបង្កឡើង​ដោយសារសង្គ្រាមនៅតាមបណ្ដាប្រទេសមួយចំនួន។

តួយ៉ាង ឆ្នាំ២០២៣ បានបិទបញ្ចប់រួចទៅហើយ ប៉ុន្ដែ បើតាម​ធនាគារពិភពលោក​បញ្ជាក់ថា សម្ទុះសេដ្ឋកិច្ច​កម្ពុជា​នៅតែបន្ដ​ធ្លាក់ចុះ បើទោះបីជា នៅឆ្នាំ២០២៣ សេដ្ឋកិច្ចកម្ពុជា​រំពឹងសម្រេច​បានក្នុងកំណើន ៥,៤% និង ៥,៨% នៅឆ្នាំ២០២៤នេះក៏ដោយចុះ ព្រោះកំណើននេះ វានៅតែមានទាប​ជាងច្រើននៅឡើយ​ បើប្រៀបធៀបនឹងកំណើន​ប្រចាំឆ្នាំជាងមធ្យម ៧,២% ដែលធ្លាប់សម្រេចបាន​នៅក្នុង​១ទសវត្សរ៍​មុនការរាតត្បាតនៃជំងឺកូវីដ១៩។