#កម្ពុជា-វៀតណាម

ថ្មីៗនេះ ប្រទេសវៀតណាមបានចាប់ផ្តើមរឹតបន្តឹងកាន់តែខ្លាំង នៅតាមច្រកព្រំដែនជាមួយកម្ពុជា ដោយមានការដាក់ពង្រាយបុគ្គលិកយោធានៅតំបន់ខ្លះតាមច្រកព្រំដែន ដើម្បីត្រៀមទប់ស្កាត់ការចេញចូលឆ្លងដែនខុសច្បាប់ ដោយបារម្ភពីការឆ្លងរីករាលដាលកូវីដ-១៩ នៅចំពេលដែលស្ថានភាពឆ្លងជំងឺកូវីដ-១៩ នៃនៅកម្ពុជាកំពុងរីករាលខ្លាំង។ ទោះជាបែបនេះក្ដី ប្រធានច្រកព្រំដែនកម្ពុជាវៀតណាម (ជ្រៃធំ-ឡុងបិញ) អះអាងថា ការរឹតបន្ដឹងនេះ មិនបានធ្វើឲ្យប៉ះពាល់ដល់ការដោះដូរទំនិញរវាងកម្ពុជាវៀតណាមនៅច្រកជ្រៃធំនោះទេ ពោល គឺការនាំចេញនាំចូលទំនិញនៅតែមានភាពរលូនជាធម្មតា។