ដោយ
វណ្ណ វិចារ
ផ្លូវល្បឿនលឿនពីភ្នំពេញ ទៅខេត្តព្រះសីហនុ ត្រូវបានសម្ពោធបើកការដ្ឋាននៅព្រឹកថ្ងៃទី២២ខែមិនា។ ផ្លូវនេះជាផ្លូវដែលរដ្ឋាភិបាលចិន សង់ឡើងដើម្បីដាក់ជួល ឱ្យអ្នកដំណើរទូទៅក្នុងរយៈពេល៥០ឆ្នាំ។ របាយការណ៍របស់ក្រសួងសាធារណៈការនិងដឹកជញ្ជូនបញ្ជាក់ថា ផ្លូវនេះគ្រោងសង់អស់ប្រាក់ប្រមាណ២.០០០លានដុល្លារអាមេរិក លើប្រវែងផ្លូវសរុបជាង ១៩០គីឡូម៉ែត្រ។ បើគណនាមើលទៅ ផ្លូវល្បឿនលឿននេះ មួយគីឡូម៉ែត្រ ក៏ត្រូវចាយប្រាក់សង់ជាង ១០លានដុល្លារ សហរដ្ឋអាមេរិក។