ដាក់ប្រាក់បញ្ញើ! ឈ្នះរង្វាន់!
ធនាគារ ប្រ៊ីដ ត្រូវបានគេស្គាល់ច្បាស់ថា ជាធនាគារពាណិជ្ជក្នុងស្រុកធំមួយ ដែលស្ថិតនៅក្រោមសម្ព័ន្ធក្រុមហ៊ុនយក្ស វើលដ៍ប្រ៊ីដ គ្រុប របស់អ្នកឧកញ៉ា ស…
សារព័ត៌មានធំៗបានរាយការណ៍ថា ព្យុះសង្ឃរា Milton កម្រិត៣បានបោកបក់មកលើតំបន់មួយចំនួនក្នុងរដ្ឋផ្លរីដា សហរដ្ឋអាម៉េរិកកាលពីថ្ងៃពុធ ក្នុងល្បឿន១៦០គីឡូម៉ែត្រក្នុង១ម៉ោង ដែលបណ្តាលឲ្យពលរដ្ឋអាម៉េរិកនៅក្នុងរដ្ឋនេះជិត៣លាននាក់រស់នៅដោយគ្មានថាមពលអគ្គិសនីប្រើប្រាស់ បង្កជាគ្រោះបាក់ដី ទឹកជំនន់ និងឆក់យកអាយុជីវិតមនុស្សមួយចំនួនផងដែរ។
ទីភ្នាក់ងារព័ត៌មាន AP បានរាយការណ៍ថា ដោយសារតែព្យុះសង្ឃរានេះ អាជ្ញាធរនៅក្នុងរដ្ឋនេះបានជូនដំណឹងឲ្យពលរដ្ឋជម្លៀសខ្លួនចេញពីលំនៅឋានរហូតដល់ទៅ៧,២លាននាក់ ហើយយន្តហោះសរុប១ ៩០០ជើងត្រូវបានលុបចោល ហើយស្ថានីយប្រេងឥន្ធនៈជាង៦០%នៅទូទាំងរដ្ឋត្រូវបង្ខំចិត្តបិទប្រតិបត្តិការ។
ក្រុមអ្នកវិភាគបាននិយាយថា ព្យុះសង្ឃរា Milton នេះ អាចបណ្តាលឱ្យមានការខាតបង់រហូតដល់១00 ពាន់លានដុល្លារសម្រាប់ឧស្សាហកម្មធានារ៉ាប់រងពិភពលោក។ អ្នកវិភាគនៅក្រុមហ៊ុន Morningstar DBRS បាននិយាយថា ការខាតបង់ដោយសារព្យុះសង្ឃរា Milton អាចមានទំហំកាន់តែធំថែមទៀត ប្រសិនបើខ្យល់ព្យុះនេះបោកបក់ដោយផ្ទាល់នៅតំបន់ Tampa ដែលមានប្រជាជនរស់នៅច្រើន។
អ្នកវិភាគនៅក្រុមហ៊ុន S&P បានកត់សម្គាល់កាលពីថ្ងៃពុធថា វិសាលភាពនៃការខូចខាត នៅមិនទាន់ប្រាកដប្រជានៅឡើយទេ វាអាចតិចហើយវាក៏អាចច្រើនជាង១០០ពាន់លានដុល្លារ។ មកដល់ពេលនេះកំណើននៃគ្រោះធម្មជាតិដែលបណ្តាលមកពីបម្រែបម្រួលអាកាសធាតុកំពុងធ្វើឲ្យវិស័យធានារ៉ាប់រងស្ថិតនៅក្នុងកម្រិតហានិភ័យកាន់តែខ្ពស់៕
ដោយៈ សរ សុជាតិ
None
