កាលពីថ្ងៃទី៥ ខែសីហា នៅសាលាក្រុង Middletown ក្នុងរដ្ឋញូវយ៉ក អាពាហ៍ពិពាហ៍មួយបានរៀបចំឡើង រវាងកូនកម្លោះ ឈ្មោះ Alvin Mann អាយុ ៩៤ឆ្នាំ និងកូនក្រមុំ ឈ្មោះ Gertrude Mokotoff អាយុ ៩៨ឆ្នាំ ដោយមានការចូលរួមពីសំណាក់មិត្តភក្ដិនិងសាច់ញាតិប្រមាណ ៥០នាក់ និងមន្ត្រីសាលាក្រុង ជាអធិបតី។
នេះពិតជាដូចពាក្យគេថា អាយុគ្រាន់តែជាតួលេខមែន! វ័យជិត១០០ឆ្នាំហើយ ក៏នៅអាចមានសេ្នហា និងរៀបការបានដែរ!
លោកតា Mann និងលោកយាយ Mokotoff បានជួបគ្នាកាលពី៨ឆ្នាំមុន នៅឯទីកន្លែងហាត់ប្រាណក្នុងក្រុង ហើយក៏បានណាត់ជួបគ្នាជារឿយៗ រហូតក្លាយជាគូស្នេហ៍។
តើអ្នកបានអានអត្ថបទនេះ ឬនៅ?
លោកតា Mann និយាយថា «អាយុគ្មានន័យទេចំពោះខ្ញុំ និង Gert (ដៃគូរបស់គាត់)។ អាយុមិនមែនជាឧបសគ្គចំពោះយើងឡើយ យើងនៅតែធ្វើនូវអ្វីដែលយើងចង់ធ្វើ»។
ប៉ុន្តែ ទាំងលោកតា ទាំងលោកយាយ សុទ្ធតែជាបុរសពោះម៉ាយ និងស្ត្រីមេម៉ាយដោយសារប្រពន្ធ ប្ដីស្លាប់ចោល ហើយគេរំពឹងថា អាពាហ៍ពិពាហ៍នេះ គឺជាស្នេហាចុងក្រោយបង្អស់ហើយរបស់ពួកគាត់ទាំងពីរនាក់៕
