រ៉ែនីគែល ដែលជារ៉ែដ៏សំខាន់សម្រាប់ផលិតរថយន្តអគ្គិសនីធ្លាក់ចុះខ្លាំងនៅលើទីផ្សារអន្តរជាតិ ក្រោយតម្រូវការនៅប្រទេសចិន ធ្លាក់ចុះ

នីគែល (Nickel) ដែលជារ៉ែដ៏សំខាន់សម្រាប់ប្រើប្រាស់នៅក្នុងការផលិតដែកអ៊ីណុក និងអាគុយរថយន្តអគ្គិសនី កំពុងធ្លាក់ថ្លៃខ្លាំងនៅលើទីផ្សារអន្តរជាតិ ដោយសារតម្រូវការនៅក្នុងប្រទេសចិន ដែលជាម៉ូយធំទិញរ៉ែប្រភេទនេះធ្លាក់ចុះ ខណៈដែលវិស័យអចនទ្រព្យចិន កំពុងបន្តដាំក្បាលចុះ។ នេះបើយោងតាមការចុះផ្សាយរបស់សារព័ត៌មានជប៉ុន Nikkei Asia។ តួយ៉ាង កាលពីថ្ងៃពុធ ទី១៧ ខែកក្កដា រ៉ែនីគែល នៅផ្សារជួញដូរលោហៈរបស់អង់គ្លេស London Metal Exchange (LME) បានធ្លាក់ថ្លៃមកនៅត្រឹមជាង១៦.៤០០ដុល្លារអាម៉េរិក ក្នុងមួយតោន ដែលជាតម្លៃទាបបំផុតមិនធ្លាប់មានចាប់តាំងពីចុងខែកុម្ភៈ​មក។

ដោយ: តែម សុខុម