ដោយ
ហ៊ុន គន្ធថៃ
កូរ៉េខាងជើងបាននិយាយនៅថ្ងៃព្រហស្បតិ៍ថា ខ្លួននឹងដាក់ពង្រាយកងកម្លាំងប្រដាប់អាវុធរួមជាមួយនឹងសព្វាវុធថ្មីៗនៅតាមព្រំដែនជាមួយកូរ៉េខាងត្បូងឡើងវិញ មួយថ្ងៃបន្ទាប់ពីទីក្រុងសេអ៊ូល បានផ្អាកផ្នែកមួយនៃកិច្ចព្រមព្រៀងយោធាឆ្នាំ២០១៨ រវាងកូរ៉េទាំងពីរ ក្នុងការតវ៉ាជុំវិញការបាញ់បង្ហោះផ្កាយរណបចារកម្មរបស់ទីក្រុងព្យុងយ៉ាងដោយជោគជ័យកាលពីថ្ងៃអង្គារ។ ទន្ទឹមនឹងការផ្អាកនេះ កូរ៉េខាងត្បូងថា ខ្លួនក៏នឹងដាក់ពង្រាយយន្តហោះស៊ើបការណ៍នៅតាមព្រំដែនជាមួយកូរ៉េខាងជើងផងដែរ។ នេះបើតាមការចុះផ្សាយដោយសារព័ត៌មានអន្តរជាតិធំៗ។