រដ្ឋថៃគ្រោងចំណាយ ៣០០លានដុល្លារ ដើម្បីធានាតម្លៃកៅស៊ូ ឆ្នាំ២០២១-២០២២
ព័ត៌មាន
•
គណៈកម្មាធិការគោលនយោបាយកៅស៊ូជាតិថៃ បានសម្រេចអនុម័តជាគោលការណ៍ទៅលើ ផែនការធានាតម្លៃកៅស៊ូ សម្រាប់ឆ្នាំ ២០២១-២០២២ ដោយសន្យាថា នឹងចំណាយទឹក…
សម្ដេចតេជោ ហ៊ុន សែន បានគូសបញ្ជាក់ថា វិស័យសេវាកម្ម គឺជាអាទិភាពចម្បង ក្នុងការអភិវឌ្ឍន៍លើវិស័យសេដ្ឋកិច្ច ដែលទាមទារឱ្យកម្ពុជា ពន្លឿនក្នុងកិច្ចការ បើកទទួលទេសចរបរទេស ឡើងវិញ។ ផ្អែកតាមប្រសាសន៍របស់សម្ដេចតេជោ ហ៊ុន សែន ការបើកទទួលទេសចរបទេសឡើងវិញ គឺតម្រូវឱ្យជនបរទេសទាំងនោះបានចាក់វ៉ាក់សាំងបង្កាកូវីដ-១៩ រួចរាល់ និងត្រូវធ្វើចត្តាឡីស័ក រយៈពេល ៧ថ្ងៃ។ ការធ្វើចត្តាឡីស័ករបស់ជនបរទេសនេះទៀតសោត មិនមែនឲ្យពួកគាត់ស្នាក់នៅបន្ទប់នោះទេ គឺធ្វើលក្ខណៈខេត្ត មានន័យថា បើភ្ញៀវទេសចរមកលេងនៅខេត្តណា ត្រូវធ្វើចត្តាឡីស័កនៅខេត្តនោះ ដោយពួកគេអាចដើរលេងកម្សាន្ត ក្នុងខេត្តនោះដោយសេរី គ្រាន់តែមិនឲ្យឆ្លងខេត្ត។ នេះជាការបញ្ជាក់របស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា។
ដោយសារតែវិបត្តិកូវីដ-១៩ បានធ្វើឱ្យវិស័យទេសចរណ៍ កម្ពុជា ជាប់គាំងយ៉ាងធ្ងន់ធ្ងរ និងរាំងស្ទះ ដល់ការអភិវឌ្ឍន៍សង្គមផងដែរ។ ប្រការនេះ ទើបធ្វើឱ្យប្រមុខរដ្ឋាភិបាលកម្ពុជា គិតគូ លើផែនការបើកទេសចរបរទេសឡើងវិញ នៅពេលខាងមុខ។ បើការបញ្ជាក់របស់នាយករដ្ឋមន្ត្រីកម្ពុជា នៅពេលស្ថានភាពកូវីដ-១៩ បានធូរស្បើយ សម្ដេច ហ៊ុន សែន នឹងពិចារណាបើកឡើងវិញនូវគ្រប់វិស័យ ប៉ុន្តែជាដំណាក់កាលដំបូង កម្ពុជា នឹងបើកទេសចរណ៍ក្នុងស្រុកជាមុនសិន។
រយៈពេលជិត ២ឆ្នាំហើយ ដែលវិស័យទេសចរណ៍ត្រូវជាប់គាំង និងអាកខាន ក្នុងការទទួលភ្ញៀវទេសចរអន្តរជាតិ។ ដោយឡែក យោងតាមរបាយការណ៍របស់ក្រសួងទេសចរណ៍ នៅឆមាសទី១ ក្នុងឆ្នាំ២០២១ កម្ពុជា ទទួលបានភ្ញៀវទេសចរអន្តរជាតិ ប្រមាណ១០ម៉ឺននាក់ ថយចុះ ៩១% បើធៀបនឹងរយៈពេលដូចគ្នា កាលពីឆ្នាំមុន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
