នេះបើតាមការប្រាប់ឱ្យដឹងដោយប្រភពពីមន្ត្រីជប៉ុនបួននាក់ ដោយគេអាចស្មានជាមុនថា នឹងធ្វើឱ្យទីក្រុងប៉េកាំងខឹងសម្បារចំពោះការរឹតចំណងសន្តិសុខថ្មីរបស់ជប៉ុននេះ។
នេះគឺជាលើកដំបូងហើយដែលជប៉ុនសម្រេចតែងតាំងប្រមុខសន្តិសុខ នៅស្ថានទូតមិនផ្លូវការប្រចាំនៅទីក្រុងតៃប៉ិកមកពីជួររដ្ឋាភិបាល ដ្បិតកាលពីពេលមុន តំណែងសន្តិសុខនៅក្នុងសមាគមផ្លាស់ប្តូរជប៉ុន-តៃវ៉ាន់ គឺត្រូវបានកាន់កាប់ដោយមន្ត្រីកងកម្លាំងស្វ័យការពារជប៉ុនចូលនិវត្តន៍ ដើម្បីបញ្ជៀសភាពតានតឹងជាមួយប៉េកាំង។ ហេតុអ្វី? ក្រសួងការពារជាតិជប៉ុនធ្លាប់បាននិយាយថា ខ្លួននឹងរក្សាទំនាក់ទំនងក្រៅរដ្ឋាភិបាលជាមួយកោះតៃវ៉ាន់ ព្រោះកាលពីឆ្នាំ១៩៧២ នៅក្នុងសេចក្តីថ្លែងការណ៍រួមគ្នា ទីក្រុងតូក្យូបានប្រកាសទទួលស្គាល់រដ្ឋអំណាចប៉េកាំងតែមួយគត់ ដែលជារដ្ឋាភិបាលស្របច្បាប់ តែដោយសារជប៉ុនធ្លាប់ដាក់អាណានិគមលើតៃវ៉ាន់ពីឆ្នាំ១៨៩៥-១៩៤៥ ទើបបន្តទំនាក់ទំនងការទូតក្រៅផ្លូវការមកដល់បច្ចុប្បន្ននេះ។
អត្ថបទគួរអាន
តំណែងសន្តិសុខនៅក្នុងស្ថានទូតគឺជួយប្រមូលព័ត៌មានទាក់ទិននឹងយោធាពីក្រសួងការពារជាតិជប៉ុន ដើម្បីទាក់ទងជាមួយយោធាតៃវ៉ាន់ ហើយវានឹងគាំទ្របណ្តាញសន្តិសុខរវាងតៃវ៉ាន់ និងជប៉ុន។ ទង្វើនេះបានបង្ហាញពីការព្រួយបារម្ភកាន់តែខ្លាំងរបស់ជប៉ុនចំពោះវត្តមានយោធាចិន និងការគំរាមកំហែងជុំវិញកោះតៃវ៉ាន់ ដែលនៅមិនឆ្ងាយពីទឹកដីជប៉ុន។ បើមានជម្លោះណាមួយកើតឡើង តៃវ៉ាន់ដែលមានចម្ងាយត្រឹម១០០គីឡូម៉ែត្រពីជប៉ុន នឹងអាចគំរាមកំហែងសន្តិសុខ និងខ្សែសង្វាក់ផ្គត់ផ្គង់ប្រេងរបស់ជប៉ុន។ ទោះជាយ៉ាងណា ការបង្កើនទំនាក់ទំនងសន្តិសុខតៃវ៉ាន់ និងជប៉ុននេះ អាចត្រូវបានប៉េកាំងមើលឃើញថា ជាការប៉ុនប៉ងជ្រៀតជ្រែងកិច្ចការផ្ទៃក្នុង ព្រោះប្រទេសចិនតែងហៅតៃវ៉ាន់ជាទឹកដីរបស់ខ្លួន។ សកម្មភាពយោធាចិនត្រូវបានគេរាយការណ៍មកថា ក៏មានវិវត្តន៍ថ្មីទៀតដែរនៅដើមសប្តាហ៍នេះ។ ជាក់ស្តែង កាលពីថ្ងៃចន្ទ យោធាជើងទឹកចិនបានសម្ញែងសាច់ដុំដោយមាននាវាផ្ទុកយន្តហោះ Shandong ត្រឹមតែ១១១គីឡូម៉ែត្រពីឆ្នេរសមុទ្រតៃវ៉ាន់។ នៅថ្ងៃអង្គារតៃវ៉ាន់បាននិយាយថា ខ្លួនបានចាប់សញ្ញាបានយន្តហោះចម្បាំង២២គ្រឿង នាវាចម្បាំង២០គ្រឿង កំពុងមានវត្តមាននៅជិតកោះតៃវ៉ាន់។ ក្នុងនោះ យោងតាមរបាយការណ៍មួយចេញដោយក្រសួងការពារជាតិតៃវ៉ាន់ឱ្យដឹងថា ប្រទេសចិនកំពុងពង្រឹងមូលដ្ឋានទ័ពតាមបណ្តោយឆ្នេរទល់មុខតៃវ៉ាន់នៅពេលចុងក្រោយនេះ។ យោធាតៃវ៉ាន់ថា ខ្លួនកំពុងតាមដានមើលហើយ ក៏ត្រៀមពង្រឹងការពារ ដើម្បីឆ្លើយតបវិញផងដែរ។
ទោះជាយ៉ាងណាក៏ដោយ នៅក្នុងសន្និសីទកាសែតនៅទីក្រុងហានូយកាលពីថ្ងៃទី១០ លោកចូ បៃដិន បានលើកឡើងដោយចំៗថា លោកមិនគិតថា ចិននឹងឈ្លានពានកោះតៃវ៉ាន់ទេ ព្រោះការពិតទីក្រុងប៉េកាំងកំពុងប្រឈមមុខនឹងបញ្ហាសេដ្ឋកិច្ចក្នុងប្រទេស និងមិនមានសមត្ថភាពដូចកាលពីមុនទៀតនោះទេ។ ការនិយាយបែបនេះស្របពេលដែលលោកកំពុងបំពេញទស្សនកិច្ចនៅប្រទេសវៀតណាម ដើម្បីពង្រឹងទំនាក់ទំនងជាមួយប្រទេសក្បែរខាងចិនមួយនេះ៕
