បេឡាជាតិរបបសន្តិសុខសង្គម ហៅកាត់ថា ប.ស.ស ដែលជាអង្គភាពស្ថិតនៅក្រោមក្រសួងការងារនិងបណ្តុះបណ្តាលវិជ្ជាជីវៈ ដែលត្រូវបានបង្កើតឡើងដើម្បីផ្តល់កិច្ចគាំពារសង្គមជូនកម្មករនយោជិក ដោយបានផ្តល់ជូននូវរបបហានិភ័យការងារ និងថែទាំងសុខភាព ចាប់តាំងពីឆ្នាំ២០០៨ ដែលមានសហគ្រាស គ្រឹះស្ថានជាង ១,៤ ម៉ឺន ជាសមាជិក ដោយមានកម្មករនិយោជិតទាំងក្នុង និងក្រៅប្រព័ន្ធ និងមន្ត្រីសាធារណៈសរុបប្រមាណជាង ២,១លាននាក់ កំពុងទទួលបានអត្ថប្រយោជន៍ពីរបបទាំងនេះ។ នៅក្នុងសារលិខិតរបស់សម្តេចតេជោដដែលបានបញ្ជាក់ទៀតថា ចាប់ពីឆ្នាំ២០១៨មក រាជរដ្ឋាភិបាលកម្ពុជា តាមរយៈបេឡាជាតិរបបសន្តិសុខសង្គមបានអនុវត្តគោលនយោបាយឧបត្ថម្ភសាច់ប្រាក់ដល់កម្មការិនីទាំងក្នុងនិងក្រៅប្រព័ន្ធ និងមន្ត្រីសាធារណៈនៅពេលសម្រាលកូន ដែលមកពេលនេះមានប្រមាណ ២០ម៉ឺននាក់ សរុបទឹកប្រាក់ប្រមាណ២០លានដុល្លារហើយ។
កន្លងទៅ បេឡាជាតិរបបសន្តិសុខសង្គម ហៅកាត់ថា ប.ស.ស ធ្លាប់បានបង្ហាញពីលក្ខខណ្ឌដើម្បីមានសិទ្ធិទទួលបានប្រាក់បំណាច់ប្រចាំថ្ងៃ ៧០% នៃប្រាក់ឈ្នូលមធ្យមជាប់ភាគទាន រយៈពេល៩០ថ្ងៃ នៃការឈប់សម្រាកសម្រាលកូន។
អត្ថបទគួរអាន
លក្ខខណ្ឌនោះរួមមាន ក្រោយពេលសម្រាលកូនរួច សាម៉ីខ្លួនជាសមាជិក ប.ស.ស. ត្រូវភ្ជាប់ឯកសារមក ប.ស.ស រួមមានដូចជា ទី១សំបុត្រចេញពីមន្ទីរពេទ្យ ឬសំបុត្របញ្ជាក់សំបុត្រកំណើត ឬបញ្ជាក់ថាបានសម្រាលកូន និងអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទបានច្បាស់លាស់។ ទី២
ច្បាប់ឈប់សម្រាក៩០ថ្ងៃ ដែលចេញដោយក្រុមហ៊ុន ឬរោងចក្រ។ ទី៣ ទម្រង់បំពេញទាមទារប្រាក់បំណាច់ប្រចាំថ្ងៃ ដែលបានចែកជូន។ទី៤ លិខិតផ្ទេរសិទ្ធិ ប្រសិនអនុញ្ញាតិឱ្យប្តី ឬសាច់ញាតិរបស់ខ្លួន ( ត្រូវភ្ជាប់អត្តសញ្ញាណប័ណ្ណសញ្ជាតិខ្មែរ របស់ប្តី ឬសាច់ញាតិរបស់ខ្លួន )។ហើយប្រសិនបើការសម្រាលកូនធ្វើឡើងនៅមន្ទីរពេទ្យ ដែលមិនមែនជាដៃគូជាមួយ ប.ស.ស សាម៉ីខ្លួនដែលជាអ្នកសម្រាលត្រូវតាមដានសុខភាពក្រោយសម្រាលនៅមន្ទីរពេទ្យដែលជាដៃគូជាមួយ ប.ស.ស ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
