Advertisement
Advertisement
Advertisement
ទីផ្សារទូរស័ព្ទស្មាតហ្វូនពិភពលោក

Samsung សង្ឃឹមថាប្រមូលបានចំណែកទីផ្សារស្មាតហ្វូនពី LG


នៅទីបំផុត ក្រុមហ៊ុនអេឡិចត្រូនិក LG របស់កូរ៉េខាងត្បូងបានចេញមុខមកប្រកាសជាផ្លូវការហើយ ថាខ្លួននឹងបោះបង់ចោលការផលិតកម្មស្មាតហ្វូន ហើយងាកទៅផ្ដោតលើការផលិតឧកបរណ៍អេឡិចត្រូនិកផ្សេងៗវិញ។ ការសម្រេចបញ្ឈប់ផលិតកម្មស្មាតហ្វូនរបស់ LG គឺបន្ទាប់ពីការលក់ស្មាតហ្វូនរបស់ក្រុមហ៊ុននេះ បានខាតបង់ជាច្រើនឆ្នាំជាប់ៗគ្នាមកហើយ។ ការបោះបង់ទីផ្សារស្មាតហ្វូនចោលរបស់ LG បាននិងកំពុងផ្ដល់ឱកាសធំសម្រាប់ក្រុមហ៊ុន Samsung ក្នុងការប្រមូលយកទីផ្សារដែលLG បោះបង់ចោលនេះផងដែរ។ នេះបើតាមការចុះផ្សាយដោយសារព័ត៌មានធំៗជាច្រើន។
រូបតំណាង៖ ស្លាកសញ្ញាក្រុមហ៊ុន Samsung និង LG
ដោយ
Advertisement

តាម​ការ​ស្រាវជ្រាវ​ពី ក្រុមហ៊ុន Counterpoint ដែល​មាន​ស្នាក់​ការ​កណ្ដាល​នៅ​ហុងកុង បាន​ឲ្យ​ដឹង​ថា ក្រុមហ៊ុន LG មាន​ចំណែក​ទីផ្សារ​ប្រហែល​១០% នៅ​សហរដ្ឋអាមេរិក និង​មាន​ប្រមាណ​តែ​២%​ប៉ុណ្ណោះ​នៃ​ចំណែក​ទីផ្សារ​ពិភពលោក​នា​ពេល​បច្ចុប្បន្ន​នេះ​។ ការ​ព្រ​លែងដៃ​ចេញពី​ទីផ្សារ​ស្មា​ត​ហ្វូ​ន របស់ LG បាន​ធ្វើ​ឲ្យ​ក្រុមហ៊ុន Samsung កំពុង​មាន​ក្ដី​សង្ឃឹម​ខ្ពស់​ថា ខ្លួន​អាច​នឹង​ប្រមូល​យក​ទីផ្សារ​១០% នៅ​អា​មេ​រិ​ក​ពី LG បាន​និង​ទីផ្សារ​នៅ​ប្រទេស​ផ្សេង​ៗ​ទៀត​ផង​ដែរ​។

អ្នកវិភាគ​នៃ​ក្រុមហ៊ុន​ជួញដូរ​មូល​ប​ត្រ SK Securities លោក Lee Dong-Joo បាន​និយាយ​នៅ​ក្នុង​សារព័ត៌មាន​ជប៉ុន Nikkei ថា «​នៅ​ក្នុង​ក្រុម​ដែល​ជា​អ្នក​ប្រើប្រាស់​ប្រព័ន្ធ Android ក្រុមហ៊ុន Samsung ត្រូវ​បាន​រំពឹង​ថា នឹង​ទទួល​បាន​ប្រយោជន៍​ច្រើន​ពី​ការ​ដកខ្លួន​ចេញពី​ទីផ្សារ​ផលិត​ស្មា​ត​ហ្វូ​ន​របស់ LG​នេះ​»​។

អ្នកវិភាគ​រូប​នេះ​បាន​បន្ថែម​ទៀត​ថា ចំណែក​ទីផ្សារ​របស់​ក្រុមហ៊ុន Samsung នៅ​អា​មេ​រិ​ក​ខាងជើង នឹង​កើនឡើង​៣០% នៅ​ឆ្នាំ​នេះ កើន​ពី​២៧%​កាលពី​ឆ្នាំ​២០២០ ខណៈ​ដែល​ក្រុមហ៊ុន Apple ក៏​មានការ​ធ្លាក់​ចុះ​ចំណែក​ទីផ្សារ​ពី​៣៩% មក​នៅ​ត្រឹម​៣៦% នៅ​ឆ្នាំ​២០២១​នេះ​ផង​ដែ​។ 

តាម​ប្រភព​ព័ត៌មាន​បាន​ឲ្យ​ដឹង​ទៀត​ថា ក្រោយ​ពី LG ឈប់​ផលិត​ទូរស័ព្ទ​ស្មា​ត​ហ្វូ​ន ក្រុមហ៊ុន​យក្ស​របស់​កូរ៉េ​មួយ​នេះ​នឹង​ផ្ដល់​លើ​បច្ចេកវិទ្យា AI, ការ​ផលិត​មនុស្ស​យន្ដ និង​បច្ចេកវិទ្យា​បណ្ដាញ​ទូរគមនាគមន៍ 6G ជាមួយនឹង​ការ​ផលិត​ឧបករណ៍​ប្រើប្រាស់​ក្នុងផ្ទះ និង​ទូរទស្សន៍​ជាដើម​។

ក្រុមហ៊ុន LG បាន​សម្រេច​ដកខ្លួន​ចេញពី​ទីផ្សារ​ផលិត​ទូរស័ព្ទ នៅ​ក្រោយ​ពេល​ដែល​ក្រុមហ៊ុន​នេះ បាន​ខាតបង់​ប្រាក់​ជិត​៦​ឆ្នាំ​ជាប់​ៗ​គ្នា​មក​ហើយ សរុប​ទៅ ខាត​ប្រហែល​៤​ពាន់​៥​រលា​ន​ដុល្លារ គិត​ត្រឹម​ចុងឆ្នាំ​មុន​។

សូម​បញ្ជាក់​ថា ក្រុមហ៊ុន LG ក៏​ត្រូវ​បាន​គេ​មើលឃើញ​ថា នឹង​ក្លាយជា​ក្រុមហ៊ុន​ម៉ាក​ទូរស័ព្ទ​ដ៏​ធំ​ដំបូង​គេ ដែល​បោះបង់​ទីផ្សារ​របស់​ខ្លួន​ចោល នៅ​ក្រោយ​ពី​ដែល​ការ​លក់​ដាំ​ក្បាល​ចុះ​យ៉ាង​ខ្លាំង​។ ជាក់ស្ដែង នៅ​ឆ្នាំ​មុន LG លក់​ទូរស័ព្ទ​ស្មា​ត​ហ្វូ​ន​បាន​តែ​២៣​លាន​គ្រឿង​ប៉ុណ្ណោះ ធៀប​នឹង​ជាមួយនឹង​ក្រុមហ៊ុន Samsung លក់​បាន​ដល់​ទៅ ២៥៦​លាន​គ្រឿង​ឯណោះ​៕

Advertisement
© 2021 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


សាជីវកម្មផលិតកម្មប្រេងវៀតណាម PVEP ផ្ដល់ចំណូលចូលថវិការដ្ឋកាន់តែច្រើន

ព័ត៌មាន
ឥឡូវនេះយើងក្រឡេកមកមើលរឿងរ៉ាវប្រេងក្នុងប្រទេសវៀតណាមវិញម្តង! សាជីវកម្មផលិតកម្មរុករកប្រេងរបស់វៀតណាម (PVEP) ដែលជាក្រុមហ៊ុនបុត្រសម្ព័ន្ធមួយ...

អាមេរិកសន្យាផ្តល់វ៉ាក់សាំង១ពាន់លានដូសដល់ប្រទេសក្នុងតំបន់អាស៊ីត្រឹមចុងឆ្នាំ២០២២

ព័ត៌មាន
បន្ទាប់ពីមន្ត្រីជាន់ខ្ពស់របស់ឥណ្ឌាចេញមុខប្រកាសពីគម្រោងផ្ដល់វ៉ាក់សាំងដល់ប្រទេសនៅតំបន់អាស៊ីរួចមក ឥឡូវនេះ មន្ត្រីជាន់ខ្ពស់អាមេរិកឯណោះវិញ ...

ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ