នៅទីបំផុត ថៃរកបាននាយករដ្ឋមន្ត្រីថ្មីហើយ គឺជា លោក Srettha មកពីគណបក្សភឿថៃ

លោកSrettha ត្រូវបានស្នើឡើងជាបេក្ខជននាយករដ្ឋមន្ត្រី ដោយគណបក្សភឿថៃ ដែលជាគណបក្សដឹកនាំក្រុមចម្រុះមកពី ១១គណបក្ស ដែលមានអាសនៈភាគច្រើននៅក្នុងសភាជាន់ទាបរបស់ថៃ ពោលគឺមានចំនួន៣១៤អាសនៈ។

បន្ទាប់ពីបានឡើងកាន់តំណែង រដ្ឋាភិបាលដឹកនាំដោយគណបក្សភឿថៃ បានសន្យាថា នឹងដាក់របៀបវារៈសម្រាប់ធ្វើវិសោធនកម្មរដ្ឋធម្មនុញ្ញបច្ចុប្បន្ន នៅក្នុងកិច្ចប្រជុំគណៈរដ្ឋមន្ត្រីលើកដំបូងរបស់ខ្លួន។

ការរកបាននាយករដ្ឋមន្ត្រីថ្មីរបស់ថៃ នាពេលនេះ គឺធ្វើឡើងគាប់ជួនពេលដែលលោក ថាក់ស៊ីន ទើបតែបានវិលត្រឡប់ចូលប្រទេសវិញកាលពិព្រឹកថ្ងៃទី ២២ខែសីហា បន្ទាប់ពីនិរទេសខ្លួនអស់រយៈពេល១៥ឆ្នាំ។ លោកថាក់ស៊ីន ក៏ត្រូវបាននាំខ្លួនទៅពន្ធធនាគារផងដែរ នៅថ្ងៃដដែលនេះ ក្រោមបទចោទប្រកាន់ចំនួន៣។