ធនាគារ ជីប ម៉ុង ប្តេជ្ញាពង្រីកប្រតិបត្តិការកាន់តែខ្លាំងក្លា ដើម្បីសម្រេចមហិច្ឆតាឈរជើងរឹងមាំឲ្យបានរាប់រយឆ្នាំនៅកម្ពុជា

ការបង្ហាញពីគោលដៅដ៏ធំនេះ មិនមែនធ្វើឡើងត្រឹមតែនិយាយនៅនឹងមាត់ ឬសរសេរលើ​ក្រដាសនោះទេ ប៉ុន្ដែ ធនាគារ ជីប ម៉ុង បានឆ្លុះបញ្ចាំងឲ្យឃើញយ៉ាងច្បាស់​តាមរយៈផែនការ​សកម្មភាព ដែលបាននឹងកំពុង​បន្ដ​ធ្វើឡើងយ៉ាងសស្រាក់ស្រាំ។

ជាក់ស្ដែង នៅរយៈពេល ៥ឆ្នាំមកនេះ ធនាគារពាណិជ្ជ​ ដែលវិនិយោគដោយវិនិយោគិនខ្មែរ​មួយនេះ បានបង្កើនដើមទុនចុះបញ្ជីរបស់ខ្លួនជាបន្ដបន្ទាប់​រហូតដល់ ១៣៥ លានដុល្លារ​អាមេរិក។ នេះសបញ្ជាក់ឲ្យឃើញពី​ការរីកចម្រើនជាមួយភាពជឿជាក់ និងកសាងមូលដ្ឋាន​គ្រឹះរឹងមាំ​នៅក្នុងទីផ្សារហិរញ្ញវត្ថុ​កម្ពុជា។

ជាមួយនឹងការយល់ច្បាស់អំពីតម្រូវការហិរញ្ញវត្ថុរបស់អតិថិជននីមួយៗ បានធ្វើឲ្យធនាគារ ជីប ម៉ុង ទទួលបានការគាំទ្រពីសំណាក់ប្រជាពលរដ្ឋខ្មែរ ក្នុងនាមជាធនាគារ ដែលផ្តល់នូវទំនុកចិត្តខ្ពស់ និងដំណោះស្រាយ ហិរញ្ញវត្ថុដ៏ល្អ សម្រាប់អាជីវកម្មគ្រប់វិស័យ ពិសេសការផ្ដល់សេវាកម្ចីសម្រាប់អាជីវកម្មខ្នាតតូច និងមធ្យម។

ទន្ទឹមគ្នានេះ ចំនួនប្រាក់បញ្ញើសន្សំនៅធនាគារ ជីប ម៉ុង ក៏បន្តមានការកើនឡើងគួរឲ្យកត់សម្គាល់ ដែលបង្ហាញឲ្យឃើញរឹតតែច្បាស់នូវជំនឿទុកចិត្ត និងប្រជាប្រិយភាពរបស់ធនាគារ ជីប ម៉ុង ពីសំណាក់អតិថិជនគ្រប់ៗរូប។

ជាមួយនឹងការអភិវឌ្ឍខ្លួន​ឥតឈប់ឈរ និងទទួលបានការគាំទ្រ​ពីអតិថិជន ធនាគារ ជីប ម៉ុង ក៏ត្រូវបាន​ចាត់ចូលជា ធនាគារឌីជីថល ដែលមានការរីកចម្រើន​លឿនជាងគេបំផុត​នៅកម្ពុជា​ឆ្នាំ២០២៤ ​ដោយ Global Brand Awards 2024 របស់ទស្សនាវដ្តី Global Brands និងត្រូវបានទទួលស្គាល់ ជាធនាគារធនាគារ ដែលផ្ដល់​សេវាកម្ម​អតិថិជនល្អ​បំផុតឆ្នាំ2024 ដោយទស្សនាវដ្តី World Economic ផងដែរ។

តាមរយៈសមិទ្ធផលដែលសម្រេចបានទាំងអស់នេះ គួបផ្សំនឹងផែនការយុទ្ធសាស្ត្រ​ពោរពេញដោយ​ចក្ខុវិស័យ​វែងឆ្ងាយ​របស់ភាគទុនិក ដែលមានប្រវត្តិបទពិសោធ៍គ្រប់គ្រងពាណិជ្ជកម្មរាប់សិបឆ្នាំ ធនាគារ ជីប ម៉ុង ជឿជាក់ថា នឹងប្រែក្លាយខ្លួនទៅជាធនាគារក្នុងស្រុកឈានមុខគេមួយ​ និងមានសមត្ថភាពអាចឈរជើង​បានរឹងមាំរាប់រយឆ្នាំ​នៅក្នុងទីផ្សារកម្ពុជា និងឈាន​ទៅពង្រីក​ខ្លួននៅ​ក្នុងទីផ្សារ​តំបន់​នាពេលខាងមុខ៕