ទីក្រុងឌូបៃនឹងបោះទុនជិត៣៥ពាន់លានដុល្លារពង្រីកព្រលានយន្តហោះ និងរថភ្លើងក្រោមដី ដើម្បីទាក់ទាញអ្នកវិនិយោគ និងភ្ញៀវទេសចរ

ព្រះអង្គម្ចាស់ ស៊េក ម៉ូហាម៉េដ ប៊ីន រ៉ាស៊ីដ អាល់ម៉ាកទុម (Sheikh Mohammed bin Rashid Al Maktoum) នាយករដ្ឋមន្ត្រី និងជាអភិបាលក្រុងឌូបៃ នៅប្រទេសអេមីរ៉ាតអារ៉ាប់រួម បានផ្ដល់ភ្លើងខៀវកាលពីចុងខែមេសា ដើម្បីសាងសង់ស្ថានីយថ្មីមួយនៅអាកាសយានដ្ឋានអន្តរជាតិ អាល់ម៉ាក ទុម ដែលគ្រោងនឹងចំណាយថវិកាជិត៣៥ពាន់លានដុល្លារ។

នៅពេលសាងសង់ស្ថានីយនេះរួចរាល់ហើយ ស្ថានីយនេះនឹងជួយធ្វើឱ្យអាកាសយានដ្ឋាននេះក្លាយជាអាកាសយានដ្ឋានធំជាងគេបំផុតនៅលើពិភពលោក ដែលមានច្រកចេញចូលចំនួន ៤០០ និងផ្លូវរត់ស្របគ្នាចំនួន៥ និងអាចស្វាគមន៍អ្នកដំណើរចេញចូលបានរហូតដល់២៦០ លាននាក់ក្នុងមួយឆ្នាំ។

ទោះបីជាកាលបរិច្ឆេទនៃការបញ្ចប់គម្រោងទាំងមូលនេះនៅមិនទាន់បានប្រកាសយ៉ាងណាក៏ដោយ ប៉ុន្តែដំណាក់កាលទី១នៃគម្រោងនេះនឹងបញ្ចប់ក្នុងរយៈពេល១០ឆ្នាំ ដែលនឹងធ្វើឱ្យព្រលានយន្តហោះនេះអាចទទួលអ្នកដំណើរបាន១៥០លាននាក់ ក្នុងមួយឆ្នាំ​៕

អត្ថបទ៖ សុខ មង្គល