តើស្ថានភាពដែលថៃ កំពុងហែលឆ្លងពេលនេះ ពិតជាអាក្រក់ជាងវិបត្តិសេដ្ឋកិច្ចនៅឆ្នាំ១៩៩៧ មែនឬ?
ព័ត៌មាន
•
អ្នកជំនាញនៅវិទ្យាស្ថានជាតិ អភិវឌ្ឈន៍រដ្ឋបាលថៃ យល់ឃើញថា បញ្ហាសេដ្ឋកិច្ច ជាពិសេសវិបត្តិសាច់ប្រាក់ដែលសហគ្រាសធុនតូច និងមធ្យមនៅក្នុងប្រទេសថៃ កំ…
លោក អេឡិន ម៉ាស ដែលគេស្គាល់ថាជាមហាសេដ្ឋីពាន់លានរបស់អាម៉េរិក បានចេញមករិះគន់គោលនយោបាយរបស់ធនាគារកណ្តាលអាម៉េរិក ដែលមានភាពរឹងរូសក្នុងការកាត់បន្ថយអត្រាការប្រាក់។ មហាសេដ្ឋីរូបនេះបានហៅការមិនព្រមកាត់បន្ថយអត្រាការប្រាក់របស់ធនាគារកណ្តាលនេះថា ជារឿងដ៏ល្ងង់ខ្លៅ ស្របពេលអត្រាអ្នកការងារធ្វើនៅអាម៉េរិក កំពុងមានការកើនឡើង។
ការចេញមករិះគន់ដោយចំហបែបនេះរបស់លោក អេឡិន ម៉ាស ធ្វើឡើងក្រោយលោកបានឃើញទិន្នន័យធ្លាក់ចុះសេដ្ឋកិច្ចមួយកាលពីសប្តាហ៍មុន ដែលបានបង្កឱ្យការព្រួយបារម្ភថា ធនាគារកណ្ដាលអាម៉េរិកអាចនឹងបន្តរក្សាអត្រាការប្រាក់ខ្ពស់ជាបន្តទៀត ដែលអាចធ្វើឱ្យប៉ះពាល់ដល់សេដ្ឋកិច្ចរបស់មហាអំណាចផុតលេខមួយនេះ។
មួយវិញទៀត ការរិះគន់នេះធ្វើឡើងក្រោយធនាគារកណ្តាលអាម៉េរិក កាលពីសប្តាហ៍មុន បានបន្តរក្សាអត្រាការប្រាក់ឱ្យស្ថិតនៅចន្លោះពី៥,២៥% ទៅ៥,៥០% ដដែល ប៉ុន្តែបានបើកទ្វារឱ្យមានការកាត់បន្ថយអត្រាការប្រាក់នៅក្នុងកិច្ចប្រជុំនៅថ្ងៃទី១៧-១៨ ខែកញ្ញា ខាងមុខនេះ ខណៈក្រុមពាណិជ្ជកររំពឹងថា នឹងមានការកាត់បន្ថយអត្រាការប្រាក់នៅក្នុងកិច្ចប្រជុំនោះ។
ប្រធានធនាគារកណ្ដាលអាម៉េរិកលោក ជេរូម ផៅវែល (Jerome Powell) បាននិយាយកាលពីថ្ងៃពុធសប្ដាហ៍មុនថា ធនាគារនេះអាចកាត់បន្ថយអត្រាការប្រាក់នៅខែក្រោយនេះ ប្រសិនបើសេដ្ឋកិច្ចអាម៉េរិកបានដើរទៅតាមគន្លងនៃការរំពឹងទុករបស់ពួកគេ៕
អត្ថបទ៖ សុខ មង្គល
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
