តាមរយៈកម្មវិធីកសិកម្មជាលក្ខណៈទ្វេភាគី នេះដែរ អ៊ីស្ត្រាអែលបានពង្រីកកិច្ចសហប្រតិបត្តិការជាមួយប្រទេសថៃ ដោយចូលមកក្នុងទីផ្សាយប្រទេសមួយនេះតាមរយៈការបង្កើតភូមិបៃតងទីពីរ ក្នុងខេត្តពេជ្របុរី កាលពីខែតុលាឆ្នាំ២០២០ បន្ទាប់ពីភូមិបៃតងទី១ដែលបានបង្កើតឡើងកាលពីឆ្នាំ២០១៨។ ភូមិបៃតងទាំងពីរ ត្រូវបានចាត់ទុកជាទីតាំងសម្រាប់កសិករនៅក្បែរនោះ និងនៅក្នុងខេត្តទាំងមូល អាចសិក្សានិងយកគម្រូតាមការដាំដុះបែបទំនើប។
គម្រោងនេះបានបំពាក់មកនូវប្រព័ន្ធស្រោចស្របបែបទំនើបរបស់អីស្រាអែល ដែលរចនាឡើងសម្រាប់ការដាំដុះ ប្រកបដោយប្រសិទ្ធភាព និងនិរន្តរភាព ហើយដោយមានការចូលរួមពីអ្នកជំនាញអ៊ីស្រាអែល សម្រាប់ជួយបង្រៀនកសិករថៃសម្រាប់ការដាំដុះផងដែរ។
យើងក្រឡេកមើលវៀតណាមវិញម្តង ដោយគិតមកដល់ពេលនេះ វៀតណាមក៏មានគម្រោងភូមិបៃតងរបស់អ៊ីស្រាអែលនៅលើទឹកដីរបស់ខ្លួនដែរ ពោលគឺស្ថិតនៅក្នុងខេត្ត វេញហ្វុកភាគខាងជើងប្រទេសវៀតណាម។ នៅទីនោះ កសិករវៀតណាម បានសិក្សា និងដាំដុះបានជោគជ័យ ដោយប្រើប្រាស់បច្ចេកទេសដាំដុះ ហាយដ្រូហ្វូនិច (hydroponic techniques) ដែលបច្ចេកទេសនេះអនុញ្ញាតឲ្យគេដាំបន្លែនៅលើទឹកផ្ទាល់តែម្តង មិនចាំបាច់ប្រើប្រាស់ដីនោះទេ។
អត្ថបទគួរអាន
បន្ថែមពីនេះ វៀតណាមគ្រោងនឹងចុះកិច្ចសហប្រតិបត្តិការទ្វេភាគីជាមួយអ៊ីស្រាអែល យ៉ាងយូរបំផុតត្រឹមឆ្នាំ២០២១នេះ ដែលវានឹងអនុញ្ញាតឲ្យពលរដ្ឋវៀតណាមបានទៅសិក្សា និងស្វែងរកបទពិសោធន៍ពីវិស័យកសិកម្មនៅប្រទេសអ៊ីស្រាអែលផ្ទាល់តែម្តង។
អ៊ីស្រាអែល មានក្រុមហ៊ុនឯកទេសខាងបច្ចេកវិទ្យាកសិកម្មបែបនេះដល់ទៅជាង ៦០០ ក្រុមហ៊ុន ដែលប្រការនេះបានក្លាយជាឱកាស និងទីផ្សារយ៉ាងសំខាន់សម្រាប់ប្រទេស ដែលមានសក្តានុពលផ្នែកកសិកម្មដូចជាប្រទេសក្នុងតំបន់អាស៊ីអាគ្នេយផ្ទាល់តែម្តង។
ជាមួយនឹងផ្ទៃដីកសិកម្ម ជាងមួយរយលានហិកតា ប្រទេសមួយចំនួនក្នុងចំណោម ១០ ប្រទេសនៃតំបន់អាស៊ាន គឺជាអ្នកផលិត ផ្គត់ផ្គង់ និងនាំចេញកសិផល គ្រាប់ធញ្ញជាតិជាពិសេសស្រូវតែម្តង។ ទាំងនេះសុទ្ធសឹងតែជាភាពវិជ្ជមានសម្រាប់ក្រុមហ៊ុនអ៊ីស្រាអែលចូលមកវិនិយោគ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
