តើមានកត្តាអ្វីជំរុញវិនិយោគិនលើពិភពលោកងាកមកចាប់អារម្មណ៍លើមូលបត្របំណុលនៅអាស៊ី?
សញ្ញាបណ្ណ ឬមូលបត្របំណុលនៅអាស៊ី កំពុងត្រូវប៉ាន់ ខណៈបណ្ដាវិនិយោគិនទូទាំងពិភពលោកកំពុងសម្រុកងាកមកទិញមូលបត្របំណុលអាស៊ី ក្រោយធនាគារកណ្ដាលអា…
បើតាមសន្ទស្សន៍ស្ដីពីមហាសេដ្ឋីរបស់សារព័ត៌មាន Bloomberg ដែលចេញផ្សាយកាលពីពេលថ្មីៗ លោក ម៉ាក ហ្សាក់ឃឺប៊ឺក បានក្លាយជាមហាសេដ្ឋីមានជាងគេបំផុតទីពីរនៅលើពិភពលោកជាមួយនឹងទ្រព្យសម្បត្តិសរុបចំនួន២០៦ពាន់លានដុល្លារអាម៉េរិក ដោយតាមពីក្រោយលោក អេឡិន ម៉ាស ម្ចាស់ក្រុមហ៊ុន Tesla ដែលមានទ្រព្យសម្បត្តិ២៥៦ពាន់លានដុល្លារ និងបាននាំមុខមហាសេដ្ឋី ជេហ្វ បេហ្សូស និង ប៊ឺណាដ អាណល់ ដែលម្នាក់ៗមានទ្រព្យសម្បត្តិចំនួន២០៥ពាន់លានដុល្លារ។
លោក ហ្សាក់ឃឺប៊ឺក វ័យ៤០ឆ្នាំ ដែលបានបើកដំណើរការ Facebook ក្នុងឆ្នាំ២០០៤ មានទ្រព្យសម្បត្តិភាគច្រើនបានមកពីភាគហ៊ុនវេទិកា Meta Platforms។ ភាគហ៊ុនរបស់ក្រុមហ៊ុន Meta បានកើនឡើងជាង៧២% ក្នុងឆ្នាំ២០២៤ ហើយកាលពីថ្ងៃសុក្រ សប្ដាហ៍មុន ភាគហ៊ុនរបស់ក្រុមហ៊ុននេះបានកើនឡើង២,២៦% បន្ថែមទៀត ដោយឡើងដល់កម្រិតខ្ពស់បំផុតជាង៥៩៥ដុល្លារក្នុងមួយហ៊ុន។
លោក Zuckerberg បាននិយាយកាលពីពេលថ្មីៗថា ក្រុមហ៊ុន Meta AI កំពុងស្ថិតនៅលើផ្លូវដើម្បីក្លាយជាជំនួយការ ដែលគេប្រើប្រាស់ច្រើនជាងគេបំផុតនៅក្នុងពិភពលោក។ លោកបាននិយាយដោយសំដៅទៅលើប្រទេសនានាក្នុងសហភាពអឺរ៉ុបថា ប្រទេសទាំងនេះមានអ្នកប្រើប្រាស់បញ្ញាសិប្បនិមិត្តដ៏សកម្មជិត៥០០លាននាក់ ទាំងដែលក្រុមហ៊ុនរបស់លោកមិនទាន់បើកដំណើរការនៅតាមប្រទេសធំៗមួយចំនួននៅឡើយផង។
សូមបញ្ជាក់ថា មិនមែនមានតែកំពូលមហាសេដ្ឋីបច្ចេកវិទ្យា Zuckerberg នោះទេដែលមានទ្រព្យសម្បត្តិកើនឡើងនៅឆ្នាំនេះទេ សូម្បីទ្រព្យសម្បត្តិរបស់លោក ជេនសេន ហ័ង (Jensen Huang នាយកប្រតិបត្តិក្រុមហ៊ុន អិនវីដៀ (Nvidia) និងលោក ឡារី អេលីសុន (Larry Ellison) សហស្ថាបនិកក្រុមហ៊ុន Oracle ក៏មានការកើនឡើងផងដែរ ក្នុងនោះលោក ហ័ង មានទ្រព្យសម្បត្តិជាង៦៣ពាន់លានដុល្លារ ខណៈលោក អេលីសុន មានទ្រព្យសម្បត្តិជិត៥៦ពាន់លានដុល្លារ៕
អត្ថបទ៖ សុខ មង្គល
