នៅក្នុងចំណោមឧកញ៉ាធំៗ ដែលបានបរិច្ចាគនៅក្នុងយុទ្ធនាការរៃអង្គាសថវិកាជួយដល់ពលរដ្ឋរងគ្រោះក្នុងជំនន់ទឹកភ្លៀងនោះដែរ គេឃើញថា ឧកញ៉ា ឡេង ណាវ៉ាត្រា បានជួយច្រើនជាងគេ ដល់ទៅ៦០ម៉ឺនដុល្លារ ខណៈដែលឧកញ៉ា ហុង ពីវ និងអ្នកឧកញ៉ា ចេន ស៊ី ជួយបាន៥០ម៉ឺនដុល្លារ ក្រៅពីនេះ ឧកញ៉ាផ្សេងទៀត និងសម្ព័ន្ធក្រុមហ៊ុនធំៗមួយចំនួន ជួយចាប់ពី១០ម៉ឺនដុល្លារទៅ៣០ម៉ឺនដុល្លារ។
គួរបញ្ជាក់ថា ថវិកាទាំងនេះ នឹងចាត់ចែងជួយសង្គ្រោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ ជាពិសេសការទិញស្បៀងអាហារសម្រាប់ជួយសង្គ្រោះដល់ពលរដ្ឋដែលរងគ្រោះដោយជំនន់ទឹកភ្លៀងនៅតាមតំបន់ដាច់ស្រយាល។
អត្ថបទទាក់ទង!
សូមជម្រាបថា ជំនន់ទឹកភ្លៀងធ្ងន់ធ្ងរ ដែលកើតឡើងដោយសារព្យុះធំៗនៅតាមប្រទេសជិតខាងកម្ពុជាជាប់គ្នាប៉ុន្មានថ្ងៃមកនេះ បានធ្វើឲ្យរាជធានីខេត្តចំនួន១៩ ត្រូវលិចលង់ បណ្តាលឲ្យបាត់បង់ជីវិតមនុស្ស ខូចខាតផ្ទះសំបែងនិងដំណាំបង្ការរបស់ពលរដ្ឋមួយចំនួនធំផងដែរ។ នេះបើតាមរបាយការណ៍ទិន្នន័យពីគណៈកម្មាធិការគ្រប់គ្រងគ្រោះមហន្តរាយ ដែលបានចេញផ្សាយ នាព្រឹកថ្ងៃទី១៤ តុលានេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
