ការសិក្សារបស់សហរដ្ឋអាមេរិក៖ ប្រសិទ្ធភាពវ៉ាក់សាំងដូសទី៣ ធ្លាក់ចុះខ្លាំង ក្រោយពេលចាក់បាន៤ខែ
ព័ត៌មាន
•
ការសិក្សាថ្មីមួយដោយមជ្ឈមណ្ឌលគ្រប់គ្រង និងការពារជំងឺឆ្លងរបស់សហរដ្ឋអាមេរិក ហៅកាត់ថា CDC បានឱ្យដឹងកាលពីចុងសប្តាហ៍មុនថា ប្រសិទ្ធភាពដូសទី៣នៃវ…
ការប្រកាសដាក់ឱ្យប្រើប្រាស់កម្មវិធី SIS Cambodia នេះត្រូវបានធ្វើឡើងនៅឯសិក្ខាសាលាមួយ នាពេលថ្មីៗនេះ ដែលរៀបចំឡើងដោយក្រុមការងារ SIS Cambodia នៅខេត្តកំពត ដែលនៅក្នុងនោះ គេបានធ្វើបទបង្ហាញពីប្រព័ន្ធ SIS និងផលប្រយោជន៍នៃការប្រើប្រព័ន្ធនេះ ។
បើយោងតាមក្រុមហ៊ុន មិត្តហ្វូន ការដាក់ឱ្យប្រើប្រព័ន្ធ SIS Cambodia នេះ គឺដើម្បីលើកទឹកចិត្តជំរុញឱ្យមានការអប់រំប្រសើរឡើងនៅតាមវិទ្យាល័យនានានៅទូទាំងខេត្ត ដោយប្រើប្រាស់កម្មវិធីអប់រំឌីជីថល SIS នេះ ។
នៅឯសិក្ខាសាលានៅខេត្តកំពតនេះដែរ អ្នកចូលរួម ដែលរួមមានគ្រូបង្រៀន សិស្សានុសិស្ស និងអ្នកពាក់ព័ន្ធនៅក្នុងវិស័យអប់រំ ក៏បានស្ដាប់ការចែករំលែកបទពិសោធន៍ជោគជ័យនៃសាលារៀនផ្សេងៗទៀតនៅបណ្ដាខេត្តផ្សេងៗផងដែរ ដែលប្រើប្រាស់កម្មវិធីអប់រំឌីជីថល SIS Cambodia ដើម្បីកែលម្អការបង្រៀននិងការរៀនសូត្រនៅក្នុងសាលារៀនរបស់ពួកគេ ។
ក្នុងចំណោមផលប្រយោជន៍ជាច្រើនផ្សេងទៀត កម្មវិធី SIS Cambodia មានផលប្រយោជន៍សំខាន់ៗចំនួន ៥យ៉ាង ដូចខាងក្រោមនេះ ៖
1. ការរៀនតាមប្រព័ន្ធឌីជីថលធ្វើឱ្យសិស្សកាន់តែឆ្លាតវៃ និងយល់មេរៀនបានច្រើន
ប្រព័ន្ធឌីជីថលបង្កើនប្រសិទ្ធផលនៃការសិក្សានិងផលិតភាពយ៉ាងច្រើនគួរឱ្យកត់សម្គាល់ ។ លើសពីនេះ ឧបករណ៍និងបច្ចេកវិទ្យារៀនតាមប្រព័ន្ធឌីជីថលជួយបង្វឹកជំនាញត្រិះរិះពិចារណារបស់សិស្សឱ្យប្រសើរជាងមុន ដែលជាមូលដ្ឋានគ្រឹះនៃការអភិវឌ្ឍការគិតគូរបែបវិភាគ ។ សិស្សក៏អភិវឌ្ឍនូវការគិតបែបវិជ្ជមានពីការរៀនចេះនូវចំណេះដឹងនិងជំនាញថ្មីតាមរយៈការប្រើប្រាស់ឧបករណ៍រៀនតាមឌីជីថល ដែលនាំឱ្យពួកគេកាន់តែមានទំនុកចិត្តខ្លួនឯងថែមទៀត ។
2. ការរៀនតាមឌីជីថលជួយសិស្សរៀនសូត្រពីការទំនាក់ទំនងកាន់តែមានទំនួលខុសត្រូវថែមទៀត
ជាមួយនឹងឧបករណ៍និងបច្ចេកវិទ្យាឌីជីថល សិស្សកាន់តែចេះប្រាស្រ័យទាក់ទងគ្នាទៅវិញទៅមក និងចងចាំមេរៀនបានច្រើន គឺច្រើនជាងការអានមេរៀនប្រាប់តែពីគ្រូមកសិស្ស ។ ពួកគនឹងយល់ពីបរិបទប្រសើរជាមុន និងកាន់តែចូលចិត្តចូលរួមក្នុងសកម្មភាពរៀនសូត្រ ។ លើសពីនេះ នៅពេលសិស្សអាចតាមដានភាពរីកចម្រើនរបស់ខ្លួនដោយខ្លួនឯង ពួកគេអាចធ្វើឱ្យខ្លួនពួកគេកាន់តែប្រសើរឡើង អាចរៀនសូត្រដោយឯករាជ្យ បង្កើនទឹកចិត្តចង់រៀនសូត្រ និងមានទំនួលខុសត្រូវច្រើនជាងមុន ។
1. ឧបករណ៍រៀនតាមឌីជីថលលើកកម្ពស់ការបង្រៀនរបស់គ្រូ និងធ្វើឱ្យអាណាព្យាបាលកាន់តែមានចំណាប់អារម្មណ៍លើការសិក្សារបស់កូនៗ
ឱកាសក្នុងការសម្រួលលំដាប់លំដោយនៃមេរៀនសម្រាប់សិស្សម្នាក់ៗ នឹងធ្វើឱ្យការអប់រំកាន់តែមានប្រសិទ្ធភាព ដោយកាត់បន្ថយគម្លាតការសិក្សាទាន់ពេលវេលា និងពន្លឿនវឌ្ឍនភាពរបស់សិស្ស ។ ប្រព័ន្ធឌីជីថលក៏ជួយដល់គ្រូក្នុងការបង្រៀនកាន់តែប្រសើរឡើង ហើយសិស្សក៏ស្រួលរៀនតាមរយៈការចូលរួមនិងការកម្សាន្ត ។ អាណាព្យាបាលក៏អាចពិនិត្យមើលសកម្មភាពរៀនសូត្រតាមអនឡាញរបស់កូនៗ និងអាចជួយបង្រៀនពួកគេបន្ថែមពីលើអ្វីដែលបានរៀននៅក្នុងថ្នាក់រៀន ។ ឧបករណ៍និងបច្ចេកវិទ្យារៀនតាមឌីជីថលមានភាពទាក់ទាញសម្រាប់សិស្ស និងមានផលប្រយោជន៍ជាច្រើនដល់ការវិវឌ្ឍនិងសុខភាពរបស់សិស្ស ។
2. ឧបករណ៍និងបច្ចេកវិទ្យារៀនតាមឌីជីថលជួយបង្កើនការចែករំលែកព័ត៌មានបានលឿនរហ័ស
នៅប៉ុន្មានឆ្នាំចុងក្រោយនេះ ការផ្លាស់ប្ដូរពីសៀវភៅបោះពុម្ពទៅជាប្រព័ន្ធឌីជីថលបានជះឥទ្ធិពលយ៉ាងខ្លាំងមកលើរបៀបរៀនរបស់យើង ។ ដូចគ្នានឹងវិស័យរោងពុម្ពកាលពី៦សតវត្សរ៍មុន ការផ្លាស់ប្ដូរនេះកំពុងផ្លាស់ប្ដូរការអប់រំក្នុងប្រព័ន្ធ និងបង្កើនឱកាសនៃការរៀនសូត្រ ។ ការរៀនតាមប្រព័ន្ធឌីជីថលមិនត្រឹមតែអនុញ្ញាតឱ្យសិស្សអាចទទួលបានព័ត៌មានកាន់តែច្រើនប៉ុណ្ណោះនោះទេ ប៉ុន្តែ ក៏ធានាបានថា ព័ត៌មាននេះអាចកែសម្រួលបានឱ្យស្របទៅតាមតម្រូវការបុគ្គលម្នាក់ៗផងដែរ ។ ដោយប្រើឧបករណ៍ឌីជីថល និងការរៀនតាមអនឡាញ ថ្នាក់រៀននៅទូទាំងប្រទេសនិងជុំវិញពិភពលោកមិនត្រឹមតែអាចធ្វើការជាមួយគ្នាដើម្បីចែករំលែកបទពិសោធន៍ប៉ុណ្ណោះនោះទេ ប៉ុន្តែ ក៏អាចលើកកម្ពស់ជំនាញរៀនបានផងដែរ ។ សាលារៀនអាចសន្សំសំចៃថវិកា និងអាចធានាបានការទទួលបានឯកសារមេរៀនបានស្មើភាពគ្នា ដូចគ្នានឹងសាលារៀនឯកជនដែលថ្លៃៗផងដែរ ។
1. បង្កើនលទ្ធភាពមានការងារធ្វើក្រោយបញ្ចប់ការសិក្សាជាមួយនឹងឧបករណ៍និងបច្ចេកវិទ្យារៀនបែប
ឌីជីថល
ការបំពាក់បំប៉នសិស្សនូវជំនាញនិងលក្ខខណ្ឌដែលគេត្រូវការសម្រាប់ការអប់រំនៅថ្នាក់មហាវិទ្យាល័យនិងទទួលបានអាជីពការងារតាំពីក្មេងទៅ បានក្លាយជាទំនួលខុសត្រូវដ៏សំខាន់បំផុតមួយរបស់ប្រព័ន្ធអប់រំនៅតាមសាលារៀន ។ ខណៈដែលពិភពលោកកំពុងមានវិបត្តិការងារដោយសារតែកូវីដ-១៩ ប្រជាជនជាច្រើនលាននាក់បានបាត់បង់ការងារ ជាពិសេស ការងារបែបប្រពៃណី ប៉ុន្តែ ផ្ទុយទៅវិញ ប្រជាជនជាច្រើនក៏មានស្ថិរភាពការងារដែរ នៅក្នុងឧស្សាហកម្មដែលទាក់ទិននឹងបច្ចេកវិទ្យា ។
សម្រាប់គោលបំណងនេះ វិធីអប់រំនិងរៀនសូត្រថ្មីៗចាំបាច់ត្រូវតែដាក់បញ្ចូលនិងដាក់ឱ្យប្រើប្រាស់នៅក្នុងកម្មវិធីសិក្សា ដោយចាប់ផ្ដើមតាំងពីថ្នាក់បឋមសិក្សាឡើងទៅ ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
