អឺរ៉ុប ត្រៀមចំហរទ្វារពាណិជ្ជកម្មជាមួយវៀតណាម តែបែរជាចង់ខ្ទប់ទ្វារជាមួយកម្ពុជា
ព័ត៌មាន
•
សហភាពអឺរ៉ុប រំពឹងថា នឹងអាចបើកចំហរទីផ្សាររបស់ខ្លួនសម្រាប់ប្រទេសវៀតណាម នៅថ្ងៃពុធទី១២ កុម្ភៈ តាមរយៈការបោះឆ្នោតសម្រេចលើការអនុម័តនូវកិច្ចព្…
ថ្វីត្បិតតែប្រទេសកម្ពុជាជាប្រទេសកំពុងអភិវឌ្ឍន៍
ហើយចំណូលរបស់ប្រជាជននៅមានកម្រិតក៏ពិតមែន តែគេសង្កេតឃើញ មានពលរដ្ឋជាច្រើនតែងតែចំណាយលុយទៅលើការទិញបារី
ឬផលិតផលថ្នាំជក់ជាប្រចាំ។ បើតាមរបាយការណួរបស់ក្រសួងផែនការ នៅកម្ពុជាយ៉ាងហោចណាស់
មានមនុស្សប្រមាណ ៣០នាក់ បានស្លាប់ជារៀងរាល់ថ្ងៃដោយសារជំងឺដែលបង្កពីការប្រើប្រាស់ថ្នាំជក់។
ថ្នាំជក់ជាឃាតករលាក់មុខ ហើយវាជាឧបសគ្គនៃការអភិវឌ្ឍប្រទេស។
នៅក្នុងសិក្ខាសាលាស្តីពីការផ្សព្វផ្សាយផលប៉ះពាល់នៃប្រើប្រាស់ផលិតថ្នាំជក់ដល់នៃសាលាមធ្យមវិចិត្រសិល្បៈ លោកស្រីវេជ្ជបណ្ឌិត រ៉ាយ រ៉ានី ប្រធានផ្នែកថ្នាំជក់និងសុខភាព នៃមជ្ឈមណ្ឌលលើកកម្ពស់សុខភាព បានមានប្រសាសន៍ថា «ការខាតបង់ថិកាក្នុងមួយឆ្នាំៗដោយសារតែបារីនិងផលិតផលថ្នាំជក់នេះ បើសិនជាយកទៅទិញម៉ូតូបាន ជាង១៧ម៉ឺនគ្រឿង សាងសង់ស្ពានគីសូណាបាន ៦ និងទិញអង្ករបានជិត ៨០ម៉ឺនតោន»។
លោកស្រីវេជ្ជបណ្ឌិត រ៉ាយ រ៉ានី ប្រធានផ្នែកថ្នាំជក់និងសុខភាព នៃមជ្ឈមណ្ឌលលើកកម្ពស់សុខភាព
ចំពោះវិធានការហាមជក់ ឬការបង្ហុយផ្សែងផលិតផលថ្នាំជក់នៅកន្លែងធ្វើការឬកន្លែងសាធារណៈ ត្រូវបាន លោកវេជ្ជបណ្ឌិត ឡាក់ ឡេង អនុប្រធានមជ្ឈមណ្ឌលជាតិលើកកម្ពស់សុខភាព បានប្រសាសន៍ថា បើទោះជាមនុស្សគ្រប់រូបសុទ្ធតែដឹងថា ការជក់បារីបង្កឲ្យមានផលពាល់ដល់សុខភាពធ្ងន់ធ្ងរយ៉ាងណាក៏ដោយ ក៏គេនៅតែបន្តជក់ ដោយសារតែអ្នកទាំងនោះដល់ដំណាក់កាលញៀនហើយ។លោកវេជ្ជបណ្ឌិតបន្ថែមថា «ទោះបីជាបារីគឺជាគ្រឿងញៀនស្របច្បាប់ក៏ដោយ តែមជ្ឈមណ្ឌលជាតិលើកកម្ពស់សុខភាព នៅតែបន្តផ្សព្វផ្សាយពីផលប៉ះពាល់របស់វា រហូតដល់អាចកាត់បន្ថយអ្នកជក់បារីឲ្យនៅតិចបំផុតក្នុងប្រទេសកម្ពុជា»។
លោកវេជ្ជបណ្ឌិត ឡាក់ ឡេង អនុប្រធានមជ្ឈមណ្ឌលជាតិលើកកម្ពស់សុខភាព
បើតាមលោកស្រីវេជ្ជបណ្ឌិត រ៉ាយ រ៉ានី នៅលើពិភពលោកមនុស្សស្លាប់ដោយសារបារី ច្រើនជាងស្លាប់ដោយសារគ្រោះថ្នាក់ចរាចរណ៍ និងមេរោគអេដស៍ទៅទៀត។ បារីមួយដើម មានសារធាតុគីមីជាង ៧០០០ប្រភេទ ហើយសារធាតុដែលធ្វើឲ្យមនុស្សញៀនបារីនោះ គឺសារធាតុនីកូទីន ក្រៅពីនេះសុទ្ធតែសារធាតុពុលដែលគេទុកប្រើសម្លាប់សត្វល្អិតនិងសារធាតុពលជាច្រើនមុខទៀត៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
