ក្រុមហ៊ុនផលិតរថយន្តដ៏ល្បីល្បាញរបស់ ជប៉ុនមួយនេះគ្រោងនឹងបើកដំណើរការរោងចក្រផលិតរថយន្តថ្មីមួយនៅភាគខាងត្បួងទីក្រុង Yangon ដែលជាទីក្រុងធំជាងគេរបស់ភូមា។
រោងចក្រថ្មីនេះ បានចំណាយពេលសាងសង់អស់ជាច្រើនឆ្នាំមកហើយ ដែលចំណាយទឹកប្រាក់អស់ជាង ៥២លានដុល្លារអាមេរិក។ ជាមួយនឹងរោងចក្រថ្មី Toyota គ្រោងនឹងនាំយករថយន្តជាច្រើនប្រភេទរបស់ខ្លួនមកផលិតផនៅទីនេះ រួមមានប្រភេទ ភីកអាប់ ហាយឡាក់ (Hilux Pickup) ជាដើម។
ការចម្រេចចិត្តផ្អាកដំណើរការដូចនេះ ត្រូវបានក្រុមហ៊ុនអះអាងថា ប្រសិនបើ Toyota បើកដំណើរការរោងចក្រ នៅពេលដែលមនុស្សជាច្រើនកំពុងចេញតាមផ្លូវធ្វើបាតុកម្មប្រឆាំងនឹងរដ្ឋប្រហារបែបនេះ ក្រុមហ៊ុនអាចត្រូវបានគេមើលឃើញថា គាំទ្រដល់រដ្ឋាភិបាលយោធា។
ប្រតិកម្មប្រាកដជាកើតមានឡើង មិនត្រឹមតែពីសាធារណជនប៉ុណ្ណោះទេ ប៉ុន្តែក៏អាចមានការរិះគន់ពីក្រុមសិទ្ធិមនុស្សជាតិ និងអន្តរជាតិ ជាពិសេសគឺអាចធ្វើឲ្យវិនិយោគិនមិនពេញចិត្តនោះទេ។
អ្នកនាំពាក្យរបស់ក្រុមហ៊ុនបន្ថែមថា ម៉្យាងវិញទៀត បច្ចុប្បន្នមានបុគ្គលិក និងកម្មករជាច្រើនបានធ្វើពហិការមិនទៅធ្វើការ ដោយសម្រេចចូលរួមធ្វើបាតុកម្មប្រឆាំងរបបសឹក។ ហេតុនេះហើយ ទោះក្រុមហ៊ុនដំណើរការក៏ពុំមានកម្មករមកបម្រើការដែរ។
អត្ថបទទាក់ទង
សំណួរសួរថា ហេតុអ្វីគ្រាន់តែបើករោងចក្រសោះ Toyota ខ្លាចត្រូវគេចោទប្រកាន់ថាគាំទ្រពួកយោធា?
ច្បាស់ណាស់ ការបើកដំណើរការរោងចក្រ ទោះបីអាចផ្តល់ការងារដល់ពលរដ្ឋក៏ពិតមែន តែការរកប្រាក់ចំណូលរបស់ក្រុមហ៊ុន នឹងត្រូវបង់ពន្ធដល់រដ្ឋាភិបាល ដែលឥឡូវនេះកំពុងស្ថិតនៅក្រោមការគ្រប់គ្រងរបស់យោធា។
គួររំឭកដែរថា Toyota មិនមែនជាក្រុមហ៊ុនដំបូងដែលបានផ្អាកដំណើរការស្របពេលមានរដ្ឋប្រហារនោះទេ ពោលកន្លងមកមានក្រុមហ៊ុនជាច្រើនទៀតទាំងតូចទាំងធំ បានសម្រេចផ្អាក និងពន្យារពេលដំណើរការរកស៊ី របស់ខ្លួននៅភូមាដែរ ក្នុងនោះរួមមានក្រុមហ៊ុនរបស់ថៃ អង់គ្លេស និង ចុងក្រោយថ្មីនេះ ក្រុមហ៊ុនផលិតស្រាបៀររបស់ជប៉ុនឈ្មោះ Kirin Beerជាដើម៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
