យ៉ាងណាមិញ កាលពីថ្ងៃទី ០៨ ខែធ្នូ ឆ្នាំ២០២០ កន្លងទៅថ្មីៗនេះ ក្រុមប្រឹក្សាអភិវឌ្ឍន៍កម្ពុជា ក៏ទើបតែបានចុះហត្ថលេខាជាមួយនឹងភ្នាក់ងារសហរដ្ឋអាមេរិក សម្រាប់ការអភិវឌ្ឍន៍ (USAID) លើលិខិតប្ដូរសារស្ដីពីការផ្ដល់ហិរញ្ញប្បទានបន្ថែមចំនួន ៦៦,២ លានដុល្លារអាមេរិក លើកិច្ចព្រមព្រៀងវិសោធនកម្មហិរញ្ញប្បទានសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលអាមេរិក។ ក្នុងនោះ ហិរញ្ញប្បទានចំនួន ៤៣,៣ លានដុល្លារ សម្រាប់កម្មវិធី សុខភាពសាធារណៈ និងការអប់រំ និងចំនួន ២២,៩ លានដុល្លារអាមេរិកទៀត សម្រាប់កម្មវិធីកសិកម្ម និងបរិស្ថាន។
អត្ថបទទាក់ទង!
បើតាមក្រុមប្រឹក្សាអភិវឌ្ឍន៍កម្ពុជា បានគូសបញ្ជាក់ឲ្យដឹងទៀតថា គិតចាប់ពីឆ្នាំ១៩៩២ មកដល់ឆ្នាំ២០១៩ រដ្ឋាភិបាលអាមេរិកបានផ្ដល់ហិរញ្ញប្បទានឥតសំណងដល់កម្ពុជា ប្រមាណ ១,៥ពាន់លានដុល្លារ សមមូលនឹង ៦,១% នៃទំហំហិរញ្ញប្បទានសរុបដែលផ្ដល់ដោយដៃគូអភិវឌ្ឍន៍ទាំងអស់ ដោយផ្ដោតសំខាន់លើវិស័យសុខាភិបាល អប់រំ បរិស្ថាន កសិកម្ម អភិបាលកិច្ច និងការអភិវឌ្ឍ តាមបែបប្រជាធិបតេយ្យ និងកម្មវិធីដោះមីន និងយុទ្ធភ័ណ្ឌមិនទាន់ផ្ទុះ ដែលឆ្លើយតបទៅនឹងអាទិភាពរបស់រាជរដ្ឋាភិបាល ដូចមានចែងក្នុងយុទ្ធសាស្ត្រចតុកោណ ដំណាក់កាលទី៤ និងផែនការយុទ្ធសាស្ត្រ អភិវឌ្ឍន៍ជាតិឆ្នាំ២០១៩-២០២៣៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
