អ្នកជំនាញរំពឹងវត្តមានរបស់លោក វ៉ាង យី ជួយទាក់ទាញអ្នកវិនិយោគ និងទេសចរចិនមកកាន់កម្ពុជាបន្ថែមទៀត
ព័ត៌មាន
•
ប្រមុខការទូតជាន់ខ្ពស់របស់ចិន លោក វ៉ាង យី នឹងមកបំពេញទស្សនកិច្ចផ្លូវការនៅកម្ពុជា ពីថ្ងៃទី ២១ ដល់ថ្ងៃទី ២៣ ខែមេសា ឆ្នាំ២០២៤នេះ ដើម្បីពង្រឹ…
ក្រុមហ៊ុនផលិតយន្តហោះខ្នាតយក្សរបស់សហរដ្ឋអាម៉េរិក Boeing នៅពេលនេះកំពុងអភិវឌ្ឍន៍ឡានហោះដោយប្រើប្រាស់បច្ចេកវិទ្យាស្វ័យប្រវត្តិនៅក្រុមហ៊ុនបុត្រសម្ព័ន្ធ វីស អ៊ែរ៉ូ (Wisk Aero)។ ទោះជាយ៉ាងណា ផែនការប្រកបដោយមហិច្ឆតានេះ ត្រូវទទួលបានវិញ្ញាបនបត្រទទួលស្គាល់នៅទឹកដីសហរដ្ឋអាម៉េរិកជាមុនសិន មុននឹងអាចពង្រីកទីផ្សារចូលមកក្នុងតំបន់អាស៊ី។ បច្ចុប្បន្នក្រុមហ៊ុនយក្ស Boeing កំពុងជ្រើសរើសតំបន់អាស៊ី ធ្វើជាទីផ្សារដំបូងរបស់ខ្លួនសម្រាប់ផលិតផលឡានហោះនេះរួមទាំងប្រទេសជប៉ុនផងដែរ។
ដោយឡែក នៅប្រទេសជប៉ុនឯណោះវិញ ក្រុមហ៊ុន Start-up ក្នុងស្រុកដែលមានឈ្មោះថា ស្កាយដ្រាយ (SkyDrive) និងក្រុមហ៊ុនអាល្លឺម៉ង់ វ៉ូឡូកូបទ័រ (Volocopter) គ្រោងនឹងដំណើរការសេវាកម្មឡានតាក់ស៊ីហោះ (Air Taxi Services) នៅឯពិព័រណ៍ពិភពលោកក្រុងអូសាកា ឆ្នាំ២០២៥ (2025 Osaka World Expo)។
សូមបញ្ជាក់ថា ក្រុមហ៊ុន Boeing ទើបតែបានបើកមូលដ្ឋានស្រាវជ្រាវ និងអភិវឌ្ឍន៍មួយនៅក្រុងណាកូយ៉ា (Nagoya) ប្រទេសជប៉ុន កាលពីថ្ងៃព្រហស្បតិ៍ ទី១៨ ខែមេសា។ ក្រុមហ៊ុននេះបានបង្កើតប្រតិបត្តិការស្រាវជ្រាវ និងអភិវឌ្ឍន៍ជាលើកដំបូងនៅក្នុងប្រទេសជប៉ុន ក្នុងឆ្នាំ២០២២ ប៉ុន្តែបាននិងកំពុងរកជួលកន្លែងពីក្រុមហ៊ុនផ្សេងទៀតរហូតមកដល់បច្ចុប្បន្ន។
មូលដ្ឋានស្រាវជ្រាវ និងអភិវឌ្ឍន៍ថ្មីនៅក្រុងណាកូយ៉ា (Nagoya) នេះគឺជាមូលដ្ឋានស្រាវជ្រាវ និងអភិវឌ្ឍន៍ទី៧ របស់ក្រុមហ៊ុន Boeing នៅខាងក្រៅទឹកដីសហរដ្ឋអាម៉េរិក បន្ទាប់ពីទីតាំងនៅក្នុងប្រទេសអូស្ត្រាលី កូរ៉េខាងត្បូង និងឥណ្ឌា៕
ដោយ: តែម សុខុម
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
