ទីភ្នាក់ងារសម្ងាត់ FBI បាននិយាយថា ពួកគេបានឆ្លុះកែវយិតឃើញបុរសម្នាក់ប្រដាប់ដោយកាំភ្លើងអាកាវែងនៅជិតរបងក្លឹបវាយកូនហ្គោលអន្តរជាតិ ត្រាំ ដែលត្រូវបានគេសង្ស័យថា ចង់ប៉ុនប៉ងធ្វើឃាតលោក ដូណាល់ ត្រាំ ហើយប៉ូលិសក៏បានបាញ់ប្រហារទៅលើជនសង្ស័យនោះធ្វើឱ្យបុរសនោះឡើងជិះរថយន្តបើកគេចចេញពីទីនោះ។
ទោះយ៉ាងណាប៉ូលិសបានដេញតាម ហើយក៏ចាប់បានជនសង្ស័យនោះនៅក្នុងទីក្រុងផាម បន្ទាប់មកបានបញ្ជូនទៅកាន់តុលាការសហព័ន្ធ ដើម្បីសួរចម្លើយពីការប៉ុនប៉ងធ្វើឃាតនេះ។ ប៉ូលិសបាននិយាយថា ជនសង្ស័យបានបន្សល់ទុកកាំភ្លើងវែង AK-47 មួយដើម និងសម្ភារមួយចំនួនទៀតនៅកន្លែងកើតហេតុ។
ការប៉ុនប៉ងធ្វើឃាតលោក ត្រាំ នេះបានកើតឡើងនៅ២ខែបន្ទាប់ពីលោកបានរងការបាញ់ប្រហារលើកដំបូងនៅក្នុងការប្រមូលផ្ដុំគ្នាមួយនៅក្នុងរដ្ឋផេនស៊ីលវ៉ានៀ បណ្ដាលឱ្យលោករងរបួសស្រាលនៅត្រចៀកខាងស្ដាំ៕
អត្ថបទ៖ សុខ មង្គល
