ការចុះហត្ថលេខាលើភាពជាដៃគូយុទ្ធសាស្ត្ររវាង Metfone និង Kubota មានគោលបំណងអភិវឌ្ឍន៍មនុស្ស

ក្រោមកិច្ចព្រមព្រៀងនេះ មិត្តហ្វូន និងគូបូតានឹងប្រើប្រាស់សក្តានុពល និងភាពខ្លាំងរៀងៗខ្លួន ដើម្បីសហការក្នុងអាជីវកម្មដោយផ្អែកលើទំនាក់ទំនងសហប្រតិបត្តិការ។

ក្នុងពិធីនេះ លោក Doan Chinh អគ្គនាយករងក្រុមហ៊ុនមិត្តហ្វូន បានវាយតម្លៃខ្ពស់ចំពោះស្នាដៃរបស់គូបូតា។ លោកបានចែករំលែកថា “ដោយផ្អែកលើទំនាក់ទំនងដែលបានបង្កើតឡើង មិត្តហ្វូនមានបំណងបន្តសហការជាមួយគូបូតា ដើម្បីបង្កើតប្រព័ន្ធអេកូឡូស៊ីនៃតម្លៃ និងផលិតផលសម្រាប់អ្នកប្រើប្រាស់ ដោយប្រកាន់ខ្ជាប់នូវគោលការណ៍ឈ្នះ ឈ្នះ សម្រាប់ការអភិវឌ្ឍន៍ប្រកបដោយនិរន្តរភាព ក្នុងគោលបំណងនាំមកនូវគុណតម្លៃជាវិជ្ជមានដល់រដ្ឋាភិបាល និងប្រជាជននៃប្រទេសកម្ពុជា”។

តំណាងក្រុមហ៊ុនគូបូតា បាននិយាយថា “បន្ទាប់ពីកិច្ចសហការពីមុនៗជាមួយមិត្តហ្វូន ថ្ងៃនេះ គូបូតាមានកិត្តិយស និងមោទនភាពក្នុងការបន្តជាដៃគូយុទ្ធសាស្ត្ររបស់មិត្តហ្វូន។ តាមរយៈភាពជាដៃគូនេះគូបូតាមើលឃើញឱកាសមួយដើម្បីបន្តទស្សនវិជ្ជានៃអាជីវកម្មរបស់យើង។ គោល​ដៅ​របស់​យើង​គឺ​ការ​អភិវឌ្ឍ​មនុស្ស មិន​មែន​គ្រាន់​តែរឿង​ចំណេញ​នោះ​ទេ»។

ការពង្រឹងកិច្ចសហប្រតិបត្តិការរវាងមិត្តហ្វូន និងគូបូតា មិនត្រឹមតែជួយសម្រួលដល់ការអភិវឌ្ឍន៍រីកចម្រើនរបស់ក្រុមហ៊ុនទាំងពីរប៉ុណ្ណោះទេ ប៉ុន្តែថែមទាំងជំរុញកំណើនដ៏រឹងមាំនៃសហគ្រាសបរទេសដែលកំពុងប្រតិបត្តិការនៅកម្ពុជាផងដែរ។ លើសពីនេះ វាបានចូលរួមចំណែកយ៉ាងសំខាន់ក្នុងការអភិវឌ្ឍន៍សេដ្ឋកិច្ច-សង្គមរបស់កម្ពុជា គាំទ្ររដ្ឋាភិបាល និងប្រជាជនក្នុងការកសាងប្រទេសជាតិឱ្យកាន់តែរីកចម្រើនទៅមុខ៕