អនុវត្តផែនការ «រៀនរស់នៅជាមួយកូវីដ-១៩» បាន២ថ្ងៃ កូរ៉េខាងត្បូងកត់ត្រាពីការកើនឡើងអ្នកឆ្លងថ្មី
ព័ត៌មាន
•
នៅថ្ងៃពុធ សប្ដាហ៍នេះករណីឆ្លងជំងឺកូវីដ ១៩ ថ្មីនៅប្រទេសកូរ៉េខាងត្បូងបានកើនឡើងដល់ជាង ២ពាន់ ៦រយនាក់បន្ថែមទៀតហើយ។ ការកើនឡើងករណីឆ្លងខ្ពស់ឡើ…
កាលពីថ្ងៃអង្គារសប្ដាហ៍នេះ អ្នកគ្រប់គ្រងទូទៅនៃអាកាសយានដ្ឋានថៃបាននិយាយថា ថៃទទួលបានជើងហោះហើរចូលមកក្នុងប្រទេសសរុបចំនួន ៣១ ជើង ដែលផ្ទុកអ្នកដំណើរប្រហែល ២ពាន់ ៦រយនាក់ ហើយក្នុងនោះ មានអ្នកដំណើរបរទេសចំនួន ១ពាន់៥រយនាក់ ដែលចុះចតនៅព្រលានយន្តហោះសុវណ្ណភូមិ។
ដោយឡែក រដ្ឋមន្ត្រីទីស្ដីការគណៈរដ្ឋមន្ត្រីថៃ លោក Anucha Nakasai បាននិយាយថា ថា មនុស្សជាង ៣ម៉ឺននាក់ បានចុះឈ្មោះ និងត្រូវបានអនុម័តប្រើប្រាស់ប្រព័ន្ធសុវត្ថិភាពការពារកូវីដ១៩ ដោយស្វ័យប្រវត្តិក្រោមប្រព័ន្ធ Thailand Pass ដែលជាកាតព្វកិច្ចសម្រាប់ភ្ញៀវទេសចរ ដែលមកដល់ប្រទេសថៃ។ គួរបញ្ជាក់ថា ប្រព័ន្ធសុវត្ថិភាព Thailand Pass ឥឡូវនេះមាននៅគ្រប់អាកាសយានដ្ឋានអន្តរជាតិទាំងអស់ក្នុងប្រទេសថៃ ដើម្បីសម្រួលដល់ការត្រួតពិនិត្យ ឯកសារចាក់វ៉ាក់សាំងរបស់អ្នកដំណើរ ព្រមទាំងត្រូវបានផ្ទៀងផ្ទាត់ដោយប្រើ QR កូដ ។
ទោះយ៉ាងណាក៏ដោយ ឧបនាយករដ្ឋមន្ត្រី និងជារដ្ឋមន្ត្រីក្រសួងសាធារណការរបស់ថៃ បានទទូចឱ្យមានការធ្វើតេស្ដកូវីដ១៩ ជាកំហិតសម្រាប់ភ្ញៀវទេសចរទាំងអស់ មុននឹងអនុញ្ញាតឱ្យធ្វើដំណើរដោយសេរី មានសុវត្ថិភាព ត្រឹមត្រូវ រហ័ស និងងាយស្រួល ហើយដំណើរការនៃការធ្វើតេស្តនេះ ត្រូវបានធ្វើឡើងដោយនាយកដ្ឋានប្រយុទ្ធនឹងជំងឺឆ្លង។
លោកបានបន្តទៀតថា ចំពោះករណីឆ្លងកូវីដ១៩ ទំនងជានឹងកើនឡើងក្នុងរយៈពេលប៉ុន្មានថ្ងៃខាងមុខនេះ។ ទោះជាយ៉ាងណាក៏ដោយ ចំនួនអ្នកជំងឺដែលឆ្លងដែលអាចមានសភាពធ្ងន់ធ្ងរ ឬស្លាប់ នឹងមិនត្រូវបានព្យាករថាកើនឡើងនោះទេ ដោយសារតែឥឡូវនេះអត្រាអុ្នកចាក់វ៉ាក់សាំងមានការកើនឡើងខ្ពស់។
សូមរំឮកថា កាលពីថ្ងៃដំបូងនៃការបើកដំណើរការឡើងវិញ មានអ្នកដំណើរជាច្រើនសម្រុកធ្វើដំណើរទៅប្រទេសថៃ ហើយការមកដល់របស់ភ្ញៀវទេសចរទាំងអស់នោះ ក៏បានធ្វើឱ្យមានការកកស្ទះមធ្យោបាយធ្វើដំណើរ កង្វះយានជំនិះ ព្រមទាំងថ្លៃដឹកជញ្ជូនក៏មានការឡើងថ្លៃខ្ពស់ខុសធម្មតាផងដែរនៅព្រលានយន្តហោះថៃ៕
អត្ថបទ៖ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
