ដោយ
ហំ ផានិត
ខេត្តត្បូងឃ្មុំ បច្ចុប្បន្នកំពុងមានការដាំដុះទុរេនច្រើនគួរសមដែរ ធៀបនឹងខេត្តផ្សេងទៀតនៅកម្ពុជា ដូចជានៅកំពត បាត់ដំបង ពោធិ៍សាត់ និងកំពង់ចាមជាដើម។ មានស្រុកចំនួន៣នៃខេត្តត្បូងឃ្មុំ មានការដាំដុះច្រើន ដូចជានៅ ស្រុកមេមត់ ដំបែរ និងពញាក្រែក។ ម្ចាស់ចំការទុរេន ម្នាក់ឈ្មោះថា សុខ ឡេង បានដាំដុះទុរេននេះជាង២០ឆ្នាំមកហើយនោះ បានអះអាងថា នៅអំឡុងពេលនៃការរាតត្បាតនៃជំងឺកូវីដ-១៩នេះ លោកធ្លាប់មានការព្រួយបារម្ភដែរពីបញ្ហាទីផ្សារ ប៉ុន្ដែ វាផ្ទុយពីការគិតរបស់លោក ព្រោះថា ការលក់ទុរេននៅឆ្នាំនេះ ហាក់ល្អប្រសើរជាងឆ្នាំមុនទៅទៀត។