ចិនបានផ្តល់កម្ចីដល់បណ្តាប្រទេសនៅអាហ្វ្រិកជាង១៨២ពាន់លានដុល្លារក្នុងរយៈពេលជាង២០ឆ្នាំ

ការសិក្សានេះបានបង្ហាញថា តំបន់អាហ្រ្វិកទទួលបានប្រាក់កម្ចីពីចិន ជាង១០ពាន់លានដុល្លារក្នុងមួយឆ្នាំ ចន្លោះពីឆ្នាំ២០១២-២០១៨ តាមរយៈកម្មវិធីគំនិតផ្តួចផ្តើមខ្សែ ក្រវាត់និងផ្លូវ របស់ប្រធានាធិបតីចិនលោក ស៊ី ជិនពីង ប៉ុន្តែការផ្តល់ប្រាក់កម្ចីនេះបានធ្លាក់ចុះយ៉ាងគំហុកចាប់តាំងពីការផ្ទុះឡើងនូវជំងឺកូវីដ-១៩ ក្នុងឆ្នាំ២០២០។ ប៉ុន្តែកាលពីឆ្នាំ២០២៣ ប្រទេសចិន បានបង្កើនការផ្ដល់កម្ចីរហូតដល់ជាង៤ពាន់លានដុល្លារដល់បណ្ដាប្រទេសនៅតំបន់អាហ្វ្រិក ជាតួលេខមួយដែលមានចំនួនច្រើនបំផុតមិនធ្លាប់មានចាប់តាំងពីឆ្នាំ២០១៦។

ការសិក្សាដែលធ្វើឡើងដោយមជ្ឈមណ្ឌលគោលនយោបាយអភិវឌ្ឍន៍ពិភពលោករបស់សាកលវិទ្យាល័យ បូស្តន់ បានរកឃើញថា តួលេខផ្ដល់កម្ចីកាលពីឆ្នាំ២០២៣ នេះមានច្រើនជាងបីដងបើធៀបនឹងតួលេខកាលពីឆ្នាំ២០២២។ ការសិក្សានេះក៏បានរកឃើញដែរថា ប្រទេសចិន បានផ្ដល់កម្ចីដល់ទ្វីបអាហ្វ្រិក ក្នុងទំហំទឹកប្រាក់សរុបជាង១៨២ពាន់លានដុល្លារនៅចន្លោះឆ្នាំ២០០០-២០២៣៕

អត្ថបទ៖ សុខ មង្គល