ថៃហាមឃាត់ការនាំចេញប្រេងដូងដើម្បីធានាការប្រើប្រាស់ ក្រោយតម្លៃប្រេងដូងក្នុងស្រុកហក់ឡើងខ្ពស់
ក្រសួងពាណិជ្ជកម្មថៃ បានចាត់វិធានការហាមឃាត់ការនាំចេញប្រេងដូងទៅកាន់ទីផ្សារអន្តរជាតិ ជាបន្ទាន់ ដើម្បីធានាការប្រើប្រាស់ក្នុងស្រុក ក្រោយតម្លៃប្រ…
ការិយាល័យមេធាវីស្រុកហ្វីឡាដែលហ្វៀ បានដាក់ពាក្យបណ្តឹងកាលពីថ្ងៃចន្ទ ដើមសប្ដាហ៍នេះ ដោយបានហៅការផ្តល់ថវិកា១លានដុល្លាររបស់គណៈកម្មការ America PAC ដឹកនាំដោយលោក អេឡិន ម៉ាស ដែលគាំទ្រអតីតប្រធានាធិបតីលោក ដូណាល់ ត្រាំ ថាជា«រង្វាន់ខុសច្បាប់»ដែលបានទាក់ទាញអ្នករស់នៅរដ្ឋផេនស៊ីលវ៉េនៀ ឱ្យចែករំលែកទិន្នន័យផ្ទាល់ខ្លួនរបស់ពួកគេ។
ចៅក្រមម្នាក់កាលពីថ្ងៃពុធ បានសរសេរក្នុងដីកាអមតុលាការស្រុកហ្វីឡាដែលហ្វៀ ដោយបានបង្គាប់ឱ្យភាគីពាក់ព័ន្ធទាំងអស់ត្រូវចូលឆ្លើយបំភ្លឺនៅតុលាការនៅព្រឹកថ្ងៃព្រហស្បតិ៍ សប្តាហ៍នេះក្នុងបំណងជំរុញឱ្យពួកគេបញ្ឈប់ការផ្ដល់រង្វាន់បែបនេះតទៅទៀត។ ហើយមកដល់ពេលនេះមិនទាន់ការឆ្លើយតបពីលោក ម៉ាស ឬក៏តំណាងរបស់លោកណាមួយនៅឡើយទេ។
សូមរំលឹកថា លោក Elon Musk បានសន្យាថា នឹងផ្តល់ប្រាក់ចំនួន១លានដុល្លារជារៀងរាល់រហូតដល់ថ្ងៃបោះឆ្នោត ដើម្បីគាំទ្រយុទ្ធនាការឃោសនារបស់លោក ដូណាល់ ត្រាំ ហើយក្រុមអ្នកជំនាញផ្នែកច្បាប់កាលពីសប្តាហ៍មុនបានខ្វែងគំនិតគ្នាថា តើការផ្តល់ជូនបែបនេះបានរំលោភលើច្បាប់សហព័ន្ធដែរឬយ៉ាងណា៕
អត្ថបទ៖ សុខ មង្គល
