សភាតំណាងគ្រប់គ្រងដោយគណបក្សសាធារណរដ្ឋ និងព្រឹទ្ធសភាដឹកនាំដោយគណបក្សប្រជាធិបតេយ្យមានពេលរហូតដល់ថ្ងៃទី៣០ ខែកញ្ញា ដើម្បីជៀសវាងការបិទរដ្ឋាភិបាលផ្នែកទី៤ក្នុងរយៈពេលមួយទសវត្សរ៍ ដោយសារការអនុម័តច្បាប់ចំណាយ ដែលប្រធានាធិបតីសហរដ្ឋអាមេរិក លោក ចូ បៃដិន អាចចុះហត្ថលេខាឱ្យចូលជាច្បាប់ ដើម្បីមានថវិកាគ្រប់គ្រាន់សម្រាប់ទីភ្នាក់ងារសហព័ន្ធ។
គណបក្សសាធារណរដ្ឋមានសំឡេងភាគច្រើនតិចតួច គឺ២២១ទល់នឹង២១២នៅក្នុងសភាតំណាង ដែលធ្វើឱ្យលោក ម៉េកខាធី មានឱកាសតិចតួចក្នុងការយកឈ្នះ(ក្រុមប្រជាធិបតេយ្យ) ខណៈដែលលោកជំទាស់នឹងច្បាប់ចំណាយរបស់ក្រុមអ្នកអភិរក្សនិយមមួយក្រុមតូច។ លោក ម៉េកខាធី បានប្រាប់អ្នកសារព័ត៌មានថា លោកនឹងលើកយកច្បាប់ស្ដីពីការចំណាយចំនួន២ទៅពិភាក្សាដេញដោលនៅក្នុងសភាក្នុងសប្តាហ៍នេះ រួមទាំងវិធានការប្រើបណ្ដោះអាសន្នសម្រាប់ រយៈពេលខ្លីដើម្បីចាំមើលថាតើច្បាប់ទាំងនេះអាចឆ្លងកាត់ការអនុម័តបានដែរឬក៏យ៉ាងណា។
លោក ម៉េកខាធី បាននិយាយថា លោកនឹងបន្តប្រយុទ្ធប្រឆាំងនៅគ្រប់វិធី ហើយលោកបានបន្ថែមថា ការបិទរដ្ឋាភិបាលនឹងធ្វើឱ្យប៉ះពាល់ដល់សន្តិសុខសហរដ្ឋអាមេរិកនៅក្រៅប្រទេសនិងនៅតាមព្រំដែនជាមួយប្រទេសម៉ិកស៊ិកផងដែរ។
អត្ថបទគួរអាន
ការជាប់គាំងនេះមិនដាក់កម្រិតទៅលើសភានោះទេខណៈដែលសមាជិកព្រឹទ្ធសភាមកពីគណបក្សសាធារណរដ្ឋដ៏រឹងរូសម្នាក់ គឺលោក ថូមី ធូប៊ឺវីល (Tommy Tuberville) បានរារាំងការបញ្ជាក់របស់មន្ត្រីយោធាជាន់ខ្ពស់រាប់រយនាក់ ដោយសារតែលោកជំទាស់នឹងគោលនយោបាយដែលជួយសម្រួលឱ្យមានការរំលូតកូនសម្រាប់សមាជិកស្ត្រីយោធា។
លោក ម៉េកខាធី បានប្តេជ្ញាចិត្តថា នឹងជំរុញទៅមុខនៅក្នុងសប្តាហ៍នេះនូវសេចក្ដីព្រៀងច្បាប់ស្តីពីការចំណាយលើវិស័យការពារសារពើពន្ធឆ្នាំ២០២៤ ចំនួន៨៨៦ពាន់លានដុល្លារ ដែលបានជាប់គាំងកាលពីសប្តាហ៍មុន ខណៈដែលក្រុមអ្នកប្រឆាំងនៅតែបន្តទាមទារឱ្យកម្រិតចំណាយលើសារពើពន្ធឆ្នាំ២០២៤ ចន្លោះពីជាង១ពាន់ពាន់លានដុល្លារមកនៅត្រឹម១២០ពាន់លានដុល្លារគឺតិចជាងអ្វីដែលលោក ម៉េកខាធី និងលោក បៃដិន បានយល់ព្រមកាលពីខែឧសភា។ គេរំពឹងថា នឹងមានការបោះឆ្នោតលើការអនុម័តយល់ព្រមនៅថ្ងៃពុធ សប្ដាហ៍នេះ។
លោក ម៉េកខាធី បាននិយាយថា លោកក៏នឹងនាំយកវិធានការប្រើជាបណ្ដោះអាសន្នដែលគេស្គាល់ថាជា«ដំណោះស្រាយបន្ត» ឬក៏ CR ទៅកាន់សភានៅថ្ងៃព្រហស្បតិ៍ សប្ដាហ៍នេះ ប៉ុន្តែនៅក្នុងការសាកល្បងសម្រាប់លោក ម៉េកខាធី ថ្មីៗនេះ គេរំពឹងថា សភានឹងបោះឆ្នោតនៅថ្ងៃអង្គារសប្ដាហ៍នេះ ថាតើត្រូវបើកការពិភាក្សាលើច្បាប់ការពារជាតិដែរឬយ៉ាងណា៕
អត្ថបទ៖ សុខ ជា
