សន្ទស្សន៍ប្រាក់ដុល្លារអាម៉េរិកធៀបនឹងប្រាក់អឺរ៉ូ ប្រាក់យ៉េន និងរូបិយប័ណ្ណសំខាន់ៗចំនួនបីទៀតបានធ្លាក់ចុះមកនៅក្រោមកម្រិតទាប នៅក្នុងម៉ោងជួញដូរកាលពីព្រឹកថ្ងៃអង្គារ សប្តាហ៍នេះដែលជាការធ្លាក់ចុះដល់កម្រិតទាបជាច្រើនសប្តាហ៍មកហើយ។
បើតាមការវាយតម្លៃរបស់ Fed Watch Tool របស់ក្រុមហ៊ុន CME Group បានឱ្យដឹងថា បច្ចុប្បន្នក្រុមពាណិជ្ជករជឿជាក់ថា ប្រហែល៧៦% ធនាគារកណ្ដាលអាម៉េរិកនឹងកាត់បន្ថយអត្រាការប្រាក់នៅក្នុងកិច្ចប្រជុំក្នុងខែកញ្ញា ហើយធនាគារនេះនឹងកាត់បន្ថយម្ដងទៀតនៅក្នុងកិច្ចប្រជុំនៅខែធ្នូ។
ប្រធានធនាគារកណ្ដាលអាម៉េរិក លោក ជេរ៉ូម ផៅវែល នឹងផ្តល់សក្ខីកម្មរយៈពេលពីរថ្ងៃនៅចំពោះមុខសមាជិកសភា ដោយមុនដំបូងនឹងចាប់ផ្តើមធ្វើបទបង្ហាញនៅក្នុងព្រឹទ្ធសភានៅរាត្រីនៅថ្ងៃអង្គារ ហើយនឹងបន្តធ្វើបែបនេះនៅសភាតំណាងរាស្ត្រនៅថ្ងៃបន្ទាប់៕
អត្ថបទ៖ សុខ មង្គល
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។