Advertisement
Huawei កម្ពុជា ប្រកាសធានាទិញទូរស័ព្ទមកវិញ

ក្រុមហ៊ុន​ចែកចាយ​ Huawei នៅ​កម្ពុជា ប្រកាសប្រមូលទិញទូរស័ព្ទពីអ្នកប្រើប្រាស់វិញ បើមានបញ្ហាប្រើប្រាស់លើកម្មវិធីសំខាន់ចំនួន៤


ក្រុមហ៊ុនចែក​ចាយ​ផលិតផល Huawei នៅកម្ពុជា Yako Technology នៅថ្ងៃទី ៧ មិថុនានេះ បានប្រកាសថា ខ្លួននឹងប្រមូលទិញទូរស័ព្ទស្មាតហ្វូន ឬថេប្លេត ម៉ាក Huawei គ្រប់ម៉ូដែលទាំងអស់ (ទាំងសេរីចាស់ និងថ្មី) បើសិនជាមានបញ្ហាក្នុងការប្រើប្រាស់កម្មវិធីដូចជា Facebook, Youtube, Google Gmail, និង Google Map ក្រោយពីបានឆ្លងកាត់ការត្រួតពិនិត្យ ឬជួសជុលពីក្រុមហ៊ុនហើយ តែមិនអាចប្រើបាន។
Huawei កម្ពុជា ប្រកាសប្រមូលទិញទូស័ព្ទពីអ្នកប្រើប្រាស់វិញ បើមានបញ្ហាប្រើប្រាស់លើកម្មវិធីសំខាន់ចំនួន៤ (រូបភាព៖ ហ្វេសបុក Huawei Cambodia)
ដោយ
Advertisement

ការ​បញ្ចេញ​សេចក្ដីប្រកាស​ធានាលើ​ផលិតផល​ Huawei របស់​ក្រុមហ៊ុន នាពេលនេះ គឺធ្វើឡើង បន្ទាប់ពី រដ្ឋាភិបាល​អាមេរិក ទើបតែបាន​សម្រេច​ដាក់​ក្រុមហ៊ុន Huawei ចូលបញ្ចីខ្មៅ និងបាន​បញ្ជា​ឲ្យ​ក្រុមហ៊ុន​ជាច្រើន រួមទាំង​ Google ផង មិនត្រូវផ្គត់ផ្គង់​ប្រតិបត្តិការ​ Android សម្រាប់​ទូរស័ព្ទ ឬថេប្លេត​ម៉ាក Huawei ទៀតនោះទេ។

លោក Johnny ជានាយកប្រតិបត្តិ​ផ្នែកហិរញ្ញវត្ថុ របស់ក្រុមហ៊ុន Yako Technology នៅកម្ពុជា បានអះអាង​យ៉ាងដូច្នេះថា «ប្រសិនបើ​បន្ទាប់ពីមាន​ការត្រួតពិនិត្យ ឬជួសជុល ដោយក្រុមហ៊ុនហើយ ប៉ុន្ដែ ស្មាតហ្វូន ឬថេប្លេតនោះ នៅតែមាន​បញ្ហា​មិនអាច​ប្រើប្រាស់​កម្មវិធី ដូចជា Facebook, Youtube, Gmail, និងGoogle Map បានទេនោះ ក្រុមហ៊ុន នឹងធានាទិញ​ស្មាតហ្វូន និងថេប្លេតនោះ ក្នុងតម្លៃ ដែលក្រុមហ៊ុន បានលក់ជូន​អតិថិជន​ត្រឡប់មកវិញ ដោយអតិថិជន​គ្រាន់តែបង្ហាញ វិក័យបត្រ​របស់ខ្លួន​ឲ្យក្រុម​ហ៊ុន បានឃើញប៉ុណ្ណោះ»។

លោក Johnny បាន​គូសបញ្ជាក់ទៀតថា ការធានា​ទិញយក​ទូរស័ព្ទស្មាតហ្វូន និងថេប្លេត​ម៉ាក Huawei មកវិញនេះ គឺសម្រាប់តែ​ផលិតផល ដែលជារបស់​ក្រុមហ៊ុនផ្ទាល់ និងជាផលិតផល​ដែលលក់​តាម​ហាងដែល​ជាដៃគូ​ចែកចាយ​របស់​ក្រុមហ៊ុន​ប៉ុណ្ណោះ។ ដោយឡែក​ សម្រាប់ទូរស័ព្ទ​ម៉ាក Huawei ដែលអ្នកលក់​នាំចូលមក​លក់ដោយ​ខ្លួន ដូចជា​នាំមកពីថៃជាដើមនោះ គឺអាចទទួលបាន​​ការធានា​នេះទេ។

ទាក់ទង​នឹង​រឿង​អាមេរិកដាក់ Huawei ចូលបញ្ចីខ្មៅនេះដែរ តំណាង​ក្រុមហ៊ុន​ Huawei នៅកម្ពុជា បាន​បញ្ជាក់ឲ្យដឹង​ដែរថា ពិតណាស់ ក្រោយពេល​មាន​រឿង​កើតឡើងល្បីសុសសាយ​ពេញពិភពលោក​រវាង​ក្រុមហ៊ុន​ Huawei នឹង​រដ្ឋាភិបាល​អាមេរិកនេះ វាក៏បាន​ធ្វើឲ្យ​ប៉ះពាល់​ដល់​ការលក់​របស់​ក្រុមហ៊ុន Huawei នៅកម្ពុជា​ផងដែរ។ 

ទោះយ៉ាងណា ក្រុមហ៊ុន​នេះ រំពឹងថា នៅ២ ទៅ៣ ខែខាងមុខនេះ ការលក់​របស់ខ្លួន​នឹង​កើនឡើង​ប្រសើរឡើងវិញ។ ជាក់ស្ដែង ដ្បិតថា កើតមានរឿងហេតុបែបនេះក្ដី ​ប៉ុន្ដែ ក៏ពិតមែន តែថ្មីៗនេះ ក្រុមហ៊ុន​ Huawei នៅតែ​បន្ត​ចេញ​នូវផលិតស្មាតហ្វូន​សេរី​ថ្មីៗ​របស់ខ្លួន ចំនួន ៣ ម៉ូដែល​ទៀត ដែល តំណាងក្រុមហ៊ុន​បញ្ជាក់ថា នេះ គឺជា​សរបញ្ជាក់ឲ្យឃើញ​ពី​ការអភិវឌ្ឍ​របស់ក្រុមហ៊ុន និងជា​បង្ហាញពីទំនុកចិត្ត​ទៅកាន់អ្នកប្រើប្រាស់​របស់ខ្លួនផងដែរ។ 

គួរបញ្ជាក់ថា ក្រោយពី​សហរដ្ឋអាមេរិក ប្រកាស​ឲ្យក្រុមហ៊ុន​ផ្ដាច់ទំនាក់ទំនង​រកស៊ីជាមួយ Huawei ពិសេស គឺ​បញ្ឈប់ការ​ផ្គត់ផ្គង់​ប្រព័ន្ធ​ប្រតិបត្តិការ Android សម្រាប់​ស្មាតហ្វូន និងថេប្លេត Huawei រួចមក ខាងក្រុមហ៊ុន Huawei ក៏បាន​ចេញមុខ​ប្រកាសក្ដែងៗ​ដែរថា ខ្លួន​បាន​ក៏បាន​ត្រៀម​គម្រោង​បន្ទាប់របស់ខ្លួន​រួចមុនជាស្រេចហើយ ក្នុងការអភិវឌ្ឍប្រព័ន្ធ​ប្រតិបត្តិការ​ថ្មីផ្ទាល់ខ្លួន​ ដែលមាន​ឈ្មោះថា Hongmeng OS។ 

តាម​ក្រុមហ៊ុន Huawei បានបញ្ជាក់ ប្រព័ន្ធប្រតិបត្តិការនេះ អាចនឹង​រួចរាល់​ដាក់ឲ្យដំណើរការ​នៅចុងឆ្នាំនេះហើយ។ មិនតែប៉ុណ្ណោះ វា​មានសមត្ថភាព​លឿនជាង​ប្រព័ន្ធ Android រហូតដល់​៥០​ភាគរយឯណោះ។ នេះបើតាម​ការអះអាង​របស់លោក Johnny នាយកប្រតិបត្តិផ្នែកហិរញ្ញវត្ថុ​របស់ក្រុមហ៊ុន Yako Technology៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


មហាសេដ្ឋី លី យ៉ុងផាត់ នឹងបើកដំណើរការសាកល្បង «សួនទឹកកម្សាន្តធំជាងគេបង្អស់នៅកម្ពុជា» ក្នុងខែកក្កដាឆ្នាំនេះ

ព័ត៌មាន
សួនទឹកកម្សាន្ដ ហ្គាដិន ស៊ីធី វ៉តធើផាកដ៏ធំជាងគេនៅអាស៊ី នឹងបើកឲ្យចូលលេងកម្សាន្ដ សាកល្បងនៅខែកក្កដា ឆ្នាំ២០១៩ខាងមុខនេះហើយ។ នេះបើយោងតាមក...

ព្រះមហាក្សត្រ​និង​ព្រះវររាជ​មាតា​ជាតិ​ខ្មែរ ព្រះ​បរម​រាជានុញ្ញាត​ឲ្យ​ថ្នាក់​ដឹកនាំ​ក្រុមហ៊ុន ប៉េង ហួត គ្រុប ចូល​ក្រាប​បង្គំ​គាល់​និង​ថ្វាយ​តង្វាយ​ជា​ថវិកា​សម្រាប់​ព្រះរាជកិច្ច​មនុស្សធម៌

ព័ត៌មាន
នៅព្រះមហាប្រាសាទខេមរិន្ទ នាព្រឹកថ្ងៃព្រហស្បត្តិ៍ ៤កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី៦ ខែមិថុនា ឆ្នាំ២០១៩ ព្រះករុណា ព្រះបា...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ