តើ​ការចាក់​វ៉ាក់សាំងដូស​ទី៣ ឬ​ដូស​ជំរុញ ធ្វើ​យ៉ាងដូចម្ដេច ?

យោង​តាមទំព័រហ្វេសប៊ុក​ផ្លូវការរបស់​នាយករដ្ឋមន្ត្រី សម្រាប់ប្រជាពលរដ្ឋ​ដែលបានចាក់វ៉ាក់សាំង​ប្រភេទ​វ៉ាក់សាំង Sinopharm និង Sinovac រួចហើយ ត្រូវចាក់ AstraZeneca ជាដូសទី៣ ដែលជាដូសជំរុញ។ ហើយចំពោះប្រជាពលរដ្ឋកម្ពុជា ដែលចាក់វ៉ាក់សាំង AstraZeneca ត្រូវចាក់ដូសទី៣ ដោយប្រើវ៉ាក់សាំងស៊ីណូវ៉ាក់ ។ 

ប៉ុន្តែ ការចាក់ដូសទី៣នេះ ត្រូវផ្តោតទៅ​លើក្រុមជួរមុខ​ដែល​មាន​ប្រមាណ ៥០ម៉ឺន ទៅ ១លាន​នាក់​សិន ហើយ​ពលរដ្ឋ​នឹង​ចាក់​តាម​ក្រោយ ។ ហើយ​ការទិញ​វ៉ាក់សាំង​អាស្រ្តាហ្សេនេកា (AstraZeneca) ​សម្រាប់​ចាក់​ដូស​ទី៣​នេះ គឺ​ត្រូវ​ទិញ​តាម​យន្តការ​កូវ៉ាក់ (COVAX) ដែល​មាន​នៅ​កូរ៉េខាងត្បូង ជប៉ុន និង​ឥណ្ឌា ៕