អង្គការស្ថិតិរបស់សហភាពអឺរ៉ុប ដែលមានឈ្មោះថា Eurostat បានបញ្ជាក់ថា ការនាំចេញទំនិញពី ប្រទេសចិនមកកាន់សហភាពអឺរ៉ុបបានកើនឡើង ៥% គិតចាប់ពីខែមករា ដល់ខែកក្កដានេះ។
លើសពីនេះ ក្រុមហ៊ុនអឺរ៉ុប ហាក់មានទំនុកទៅលើប្រទេសចិន ដែលបន្តបើកទីផ្សារយ៉ាងទូលំទូលាយ ហើយនឹងក្លាយជា សេដ្ឋកិច្ចសំខាន់ជាងគេបំផុត ដែលអាចរក្សាបាននូវកំណើនក្នុងឆ្នាំនេះ។
រដ្ឋាភិបាលប្រទេសអាល្លឺម៉ង់ ក៏បានបញ្ជាក់ដែរថា ប្រទេសចិន បានក្លាយដៃគូជំនួញជាមួយអាល្លឺម៉ង់ តាំងពីឆ្នាំ ២០១៦មកម្លេះ ហើយក៏បានវ៉ាដាច់ អាមេរិកជាលើកដំបូង នៅក្នុងត្រីមាសទី ២នេះដែរ ខណៈការនាំចេញទំនិញពីអាល្លឺម៉ង់ ទៅកាន់ប្រទេសចិនវិញ ក៏មានការកើនឡើងគួរឲ្យកត់សម្គាល់ដែរ។
អត្ថបទទាក់ទង
បើតាមអ្នកជំនាញអះអាងថា ការនាំចេញទំនិញពី អាល្លឺម៉ង់ ទៅកាន់ទីផ្សារចិន ក៏បានសបញ្ជាក់ឲ្យឃើញថា ចិន ក៏សំខាន់សម្រាប់សេដ្ឋកិច្ចអាល្លឺម៉ង់ អំឡុងពេលនៃវិបត្តិកូវីដ១៩នេះដែរ ហើយក្នុងពេលឆាប់ៗខាងមុខ ចិននឹងក្លាយជា ទីផ្សារគោលដៅនាំចេញធំបំផុតលេខ ១ របស់អាល្លឺម៉ង់។
អ្នកនាំពាក្យក្រសួងពាណិជ្ជកម្មចិន បានមានប្រសាសន៍ថា ទំនាក់ទំនងពាណិជ្ជកម្មចិន និងអាល្លឺម៉ង់ ដែលជាសេដ្ឋកិច្ចធំជាងគេនៅក្នុងសហភាពអឺរ៉ុប គឺកាន់តែល្អប្រសើរឡើង ទាំងទំនាក់ទំនងទ្វេភាគី និងការពង្រីកទីផ្សាររបស់ចិន នៅក្នុងតំបន់នោះ។
គួរជម្រាបថា កិច្ចព្រមព្រៀងពាណិជ្ជកម្ម និងវិនិយោគជាច្រើន ដែលកំពុងតែត្រូវបានពន្លឿន និងបញ្ចប់ក្នុងឆ្នាំ ២០២០នេះ រំពឹងនឹងអាចជួយសម្រេចគោលដៅ និងភាពជោគជ័យនៃភាគីទាំងពីរ ជាពិសេសគឺការពង្រឹង និងពង្រីកទំហំពាណិជ្ជកម្ម សេដ្ឋកិច្ច និងការវិនិយោគ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
